Efeso 3:11 - Nouveau Testament en Ngienboum

¹¹ E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Efeso 3:11 Referans Kwoze

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Roma 9:11

E Ssé la gɔɔn mbwo Rebéka ngie, mvfò múɔ ge gÿo fa’a mbwo nzèm. E Ssé la gwɔ́ gɔɔn pá’ɔɔn, má wɔ́b nyé pɔ́ shwòŋ pɔ́b, mbà à kaa zyé wɔ́b tà pɔ́ zsé nò mbòŋo kà ye tepòŋ wɔ́ wɔ́. E Ssé la gÿo pá’ɔɔn lélɔg ńnyɛ ngie à ńnéŋe ńgÿo pɔ́ mmó gie yé Ssé ne ńkwoŋo. À gwɔ́ gʉa nùɔ pʉ̀a é tsɔ́’ɔ nyìŋ we, à tè fó pɔ́ nà nò mbòŋo gie ngàŋ gÿǒ wɔ́.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.