Efeso 2:15 - Nouveau Testament en Ngienboum

¹⁵ Yěsô ka pyág mbʉ̌ pà Yuda mie é gɔɔn ngie, gÿo yɔɔn, ńgÿo gi, tá ńdɔg ńgwɔ́ nyìŋ Ssé, ḿbyága pú’u, pá’ pʉ̀a Yuda mbɔɔ pʉ̀a pie é té pà Yuda wɔ́ ge lɔg pá’ wɔ̌wɔ́ɔ ná pɔ́b wɔ́ lǎ nnɛ́ ná Yěsô, é temte, é cʉ́’ʉ nùɔ ye sẅé. À lɔg ḿmag mbù tsetsɛ̀ɛ pɔ́b, pɔ́ ńnéŋe lè mbʉ́lè.

Efeso 2:15 Referans Kwoze

Kolosia 2:14

À la véle ŋwà’ne njǔ yega pɔ̌, mbà *lepʉ̌ laa tsɛ̀ɛ yɛ̌ ŋwà’ne ńne sẅiŋe wégè ná menò mie pege fʉaté, ńgwɔ́ mé gɔɔn ngie à la pú wɔ́b Yěsô ńkime nà tÿǒ nkǐ, ńdɔgɔ pú’u, ńcʉŋte ŋwà’ne.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Heber 8:13

E Ssé la lɔg pá’ à toŋó yɔɔn *kʉ̀a lê *kʉ̀a sẅé, ńdɔg ńda’te ngie ndùŋ mvfò zẅǐŋ. Pege piŋ ńzsé ngie ammó gie á zẅǐŋ, tà ne ńkwote áa gie á cʉ́’ʉ ńgee pɔ́ ḿmagá.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

Kolosia 2:20

Pia Kristo la pú ńkwé, á lɔgɔ pú’u, ńkẅé gẅi mbwo metʉ̀ nzěm mie é sá’a njÿó. Mélà’a kɔ́ mé gíŋe shwóŋó gẅi ngie tsɔ́ shúm ée shúm sie nzse ée mǒ tà pi zẅí’te pá’ fʉ̀’ gie pi gwɔ̌ pɔ́ pʉ̀a yɔɔn njÿó?

Galatia 6:15

Áa mbwo Ssé *lepu’ú nyìŋ, kà lényé ngàŋ té pú’ wɔ́, à tè kẅéte. Anò gie á kẅéte á gwɔ́ pá’ nyìŋ léen sele ńcʉ́’ʉ nyìŋ sẅé.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Efeso 4:16

Yé zɔ gÿo mejʉ’ nnɛ́ cú’te ńtemte ńgwɔ́ tà’a mmó. Menŋàŋ nnɛ́ tà ńgyɔ́ɔn kẅéte légÿo mejʉ’ mbùm temte, yɛ̌ jʉ’e nnɛ́ wɔ́ piŋ ńgwɔ́ tà ne fa’a yé fà’, mbùm nnɛ́ ntsèm pú ńgú’, ńtʉte ńcʉa pɔ́ nà nkwòŋe gie ee tsetsɛ̀ɛ pɔ́b.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Heber 7:16

À tè gwaa gwɔ́ nùŋe pwɔ́’ pá’ɔɔn, á fóo ná tsɔ́ *lepʉ̌ sie mé la záb ngie pʉ̀a mesoŋ giŋe mǒ wɔ́. Á fóo pɔ́ nà metʉ̀ mie ée nà we le gwɔ́. Wɛ̌ le gwɔ́ á gwɔ́ tèmì,

Heber 9:23

Á lɔɔn ńgwɔ́ gie à la ne ńzɛ́te ngie me lɔg ntí gie mé la’te la, ńkẅile *lɔ̌’ ná shúm sie mé kǐm, é gwɔ́ sie mé lɔ́ɔn ńdɔgɔ fʉ’te sie ée tÿǒ lepwó fʉ’te, mbà á gʉa ná kwà’ sɛ̌ shúm sie ée tÿǒ lepwó, á zɛ́te ngie mé nuŋe pwɔ́’ gẅie é poŋ ńcʉa wɛ̌.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 2:14

Kristo la kwé ńdɔg ńtágte tʉ́a nká’ gẅie à kɔ̌ɔn fege wégè. Pege zẅɛ́’ɛ pɔ́ yé ńgẅiin mbʉ́lè tsetsɛ̀ɛ pege. Mbà á kaa fʉ̀’e mvfò pà Yuda pâ pà túm gwɔ́ pɔ́ megàŋ mbù. À kéen ńtemte wégè ńdɔgɔ wégè ńgÿo pʉ̀a tà’ nyìŋ.

Efeso 2:16

Pá’ pege kéen ḿbú ńcʉ́’ʉ tà’ nùɔ la, á lɔgɔ ńgɔɔn ngie mbù gẅie é kaa tsetsɛ̀ɛ menùɔ mégè é kéen ḿmag. Wɛ̌ le gwɔ́ ka fó pɔ́ ná pá’ Kristo ka kwě nà tÿǒ nkǐ ńdɔg ńgÿo mbù gẅie é kaa tsetsɛ̀ɛ menùɔ mégè lâ Ssé é mag. Pege metsèm cʉ́’ ńgwɔ́ pɔ́ púɔ Ssé. Yɔɔn áa mmó gie á ka mag mbù gẅie é kaa tsetsɛ̀ɛ pege.

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.