Efeso 2:11 - Nouveau Testament en Ngienboum

¹¹ Pú’u la, pi kímte pá’ pi ka zɔɔn ńgwɔ́, mé la zyé gẅi pi tè pà Yuda pie mé pú’u wɔ́b gwɔ́, é Pà Yuda pie mé pú’u wɔ́b, pɔ́ lɔg pú’u, ńgyá ngie pɔ́ ee pʉ̀a Ssé ńcʉ́’ ńkʉ́e gẅi kʉ́e ngie pi tè pʉ̀a Ssé wɔ́, ńgɔɔn pú’u, tá lepu’ú wɔ́b ŋwɛ́ gwɔ́ pɔ́ liŋé gie mé la lɔg pɔ́ pwó ńgÿo nà mbùm yɔb.

Efeso 2:11 Referans Kwoze

Kolosia 2:11

Pi lâ Kristo la gwɔ́ tà ńtemte, e Ssé gÿo liŋé ná pi. Á gwɔ́ gie á nyɛɛ ngie pi ee pʉ̀a pé. À laa tsɔ́ fʉ̀’ ńtsẅii mbwo pà Yuda ngie pɔ́ gÿo mé pú’u wɔ́b, á gwɔ́ liŋé, tá’ á ké ńgʉa ná pi, mbà liŋé gie a gÿǒ ná pi, á téen fóo mbwo pʉ̀a mesoŋ wɔ́, á fóo pɔ́ mbwo Kristo. Yɛ̌ liŋé kéen fó mbwo mmó gie áa soŋ nnɛ́ pege, ńtsóte wégè ńnéŋe ná nò tepòŋ, ńkẅile wégè.

Kolosia 2:13

Pi laa tsɔ́ fʉ̀’ ńgwɔ́ mbwo Ssé, ńgwɔ́ pɔ́ mepfó, ńtí menò tepòŋ mí, mbɔɔ pá’ pi la tè pʉ̀a pie mé la pú’u wɔ́b lélɔgɔ wɔ́b ńgÿo pʉ̀a Ssé wɔ́. Á ké ńgwɔ́ nà fʉ̀’ɔɔn, mbà Ssé kéen ḿbúte gẅia Kristo ńzíme nà legwé. À kéen ḿbú ńdege menò tepòŋ mégè ntsèm, ńnáa mbwo pege.

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

Galatia 6:12

Pʉ̀a pie pɔ́ sẅɛ́ɛ gẅi sẅɛ́ ngie pi zẅíŋ mé pú’u gẅí, ée pʉ̀a pie pɔ́ fa’a pɔ́ légÿo mmó gie á ge poŋ pà Yuda. Pɔ́ gÿo pú’u, ńtsɔ́ɔn ngie pà Yuda té kʉ́e wɔ́b ngie pɔ́ tyé yɔ́b pɔ́ nà nò legwé Kristo nà tÿǒ nkǐ wɔ́.

1 Korento 12:2

Pi ne ńzsé ngie, á laa fʉ̀’ gie pi la nyé tè zǎb ntʉ́m ná Yěsô Kristo, atsɔ́ mmó ne ńtsó gẅi pi gu’te messé, tà mbɔɔ pá’ ée shúm sie é lɔɔn ńgwɔ́ é le nò gɔɔn.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

Galatia 2:15

Mèŋ n gɔɔn né Piɛ pá’ɔɔn, á lɔgɔ ńgwɔ́ ngie pega pɔ̌, é pà Yuda tà fó lyɛ’ɛ́ nzyé, peg tè pʉ̀a pie é kaa ndòon pá’ petsɔ́ melá’, e mie é té zsé *lepʉ̌ Ssé wɔ́.

Roma 2:26

ḿbiŋ ńgwɔ́ gie pʉ̀a pie mé la tè wɔ́b pú’, giŋe ná pá’ *lepʉ̌ ně ńzɛ́te, mbà Ssé tè cʉ́’ líe wɔ́b gẅie mé la té wɔ́b pú’ pɔ́ pá’ pʉ̀a pie mé kéen ḿbú’u wɔ́b gwɔ́ ka?

Roma 2:27

Pʉ̀a pie mé la zyé wɔ́b mé té wɔ́b pú’, pɔ́ piŋ ne ńgÿo mmó gie *lepʉ̌ Ssé ne ńzɛ́te, pɔ́ zɔ ge lá’ tú *melɔ̌’ mí, pi pie pi fʉ̌a sɛ̌ *lepʉ̌, tá mbà mé la ŋwe’e ńná né pi, pi gíŋ ńgwɔ́ pʉ̀a pie mé la pú’u wɔ́b.

Roma 11:17

Alá’a pà Israel áa pá’ tÿǒ mèvɛ olive nyìŋ, mbà ngàŋ ka kɔ́’ tsɔ́ mbwó mǒ ńgwá’. Gù gẅie ɔ̀ tè nyìŋ Yuda wɔ́, ɔ̀ gwɔ́ pá’ pwó tÿǒ mèvɛ olive gie á gwɔ́ pɔ́ mbím, mbà mé ka lɔgɔ gú ńtó ńdaa nùɔ mbwó mie é ka nyě ńgwɔ́ nà tÿǒ ŋwɛ́. Ɔ̀ɔ nà fʉ̀’ɔɔn ńne ńzẅɛ́’ɛ metse tÿǒ mie é ne fóo ná menŋàŋ ńkúu ná pia pɔ̌ métsèm.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Matio 20:7

Pɔ́ tsɔ́’ ngie: Á gwǎ gwɔ́, mbà tsɔ̌ nyìŋ kaa tóŋo wég nà fà’ wɔ́. Á gɔɔn né pɔ́b ngie: Pí gʉa gí nká’ mèŋ fa’a fà’.