Efeso 1:9 - Nouveau Testament en Ngienboum

⁹ Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 1:9 Referans Kwoze

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Efeso 1:11

Peg la zẅɛ́’ pɔ́ pá’ peg lǎ nnɛ́ ná Kristo, tá ńgẅiin yég jʉ’ tsetsɛ̀ɛ pʉ̀a pie à gÿǒ pɔ́ tsẅɛ́, á nue e Ssé la tʉ́ njÿó ńtsɔ́’ɔ wég. Á gwɔ́ pá’ a la záb. E Ssé piŋ ńgÿo kɔ̀ɔkɔ́ɔ pɔ́ pá’ à la záb ngie à ge gÿo pú’u.

Efeso 3:11

E Ssé ka gÿo pá’ɔɔn á lɔgɔ ḿbumte ná mmó gie à la záb tà ńnyé pɔ́ tè nyɛte njÿó, ńgie à ge lá’ fó ná Cʉ̀apʉ̀a wege Yěsô Kristo, é gÿo yɛ̌ mmó.

Galatia 1:12

Nyìŋ mesoŋ zɔ la zɔɔn tè cʉ́me wɛ̌ nkʉ̀ mbwo mèŋ wɔ́. Nyìŋ mesoŋ ké tè wɔ̀ɔn zí’i, Yěsô Kristo zɔ la gÿo mèŋ n zsé.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.

Megàŋ ntúm 13:48

Pʉ̀a pie é té pà Yuda wɔ́ jú’u yɔɔn nò, ḿbú ńkág tɛ’, ńgu’te shwóŋè Cʉ̀apʉ̀a. Pʉ̀a pie ée tsetsɛ̀ɛ pɔ́b, mbà Ssé tsɔ’ɔ́ wɔ́b pá’ pâ pɔ̌ ge gẅiin le gwɔ́ tèmì, záb ntʉ́m wɔ́b ná Yěsô.

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Megàŋ ntúm 4:28

Pɔ́ la táŋa yé pú’u, ńdêen ḿbú ńgÿo kɔ̀ɔkɔ́ɔ gie gù Ssé, ɔ̀ lá lá’ ńtʉ́ njÿó ńkwaŋte ńzáb ngie á ge lá’ gwɔ́ pú’u.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

Galatia 1:15

Ká’a mbà n da nyé pɔ́ lepfòm, e Ssé tsɔ́’ɔ wɔ̀ɔn, ńgÿo ńcÿó gʉm yɔ́ɔn, ńtóŋo wɔ̀ɔn ngie mèŋ n cʉ́’ ńgwɔ́ pɔ́ nà mé mbwo.

Efeso 1:8

áa fù’ gie à la náa mbwo pege tà á gyɔ́ɔn gyɔ̌ɔn, ńgwɔ náa, ńtsɔ́’ legyè ségè pege zsé nò.