Efeso 1:15 - Nouveau Testament en Ngienboum

¹⁵ Pá’ mèŋ n ka jú’ ngie pi ne ńkẅi’i ńzába ntʉ́m gẅi ná Cʉ̀apʉ̀a Yěsô, ńgíŋe ńjú’ ngie pi ne ńkwoŋo pʉ̀a Ssé métsèm lá,

Efeso 1:15 Referans Kwoze

Filemo 1:5

Mèŋ sie yé á nue mèŋ n ne ńjú’u mé la’te ntí nkwòŋe gie ɔ̀ gẅiin nzèm pʉ̀a Ssé mbɔɔ ntí gie ɔ̀ lɔg ńzáb ntʉ́m gú nà Cʉ̀apʉ̀a Yěsô Kristo.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

1 Jâŋ 4:21

*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.

1 Jâŋ 3:17

Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Tesalonika 4:9

Atsɔ́ mmó gie ngwɔ́ n ŋwe’e ńná né pi ńtí nkwòŋe tsetsɛ̀ɛ mefɛ́ mefɛ́ á té wó wɔ́, n gɔɔn nue pi ka zi’í pɔ́ kwà’ mbwo Ssé lékwoŋ mennɛ́ mí.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Roma 1:8

Mèŋ m vɔ̌g ńcʉa nà lezíŋ Yěsô Kristo ésie Ssé yɔ̀ɔn nà twó sí métsèm, mélà’mie mé ée tsɛ̀ɛ njÿó jʉ’ ntsèm ne ńgɔɔn ntí gie pi lɔg ńzáb ntʉ́m nà Yěsô Kristo.

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 3:18

Á cʉa pú’u, pi ku’u légwɔ́ gie ńgwɔ́ pia pʉ̀a Ssé metsèm pú ńjú’ ntí gie nkwòŋe Kristo e fǎŋ pú’u, ésag pú’u, ńgʉa tÿó pú’u, ńkúu ssé pú’u.