3 Jâŋ 1:6 - Nouveau Testament en Ngienboum

⁶ Pɔ́ ka tyě tsɛ̀ɛ cú’tè pʉ̀a Kristo, éshwóŋ pʉ̀a pá’ ɔ̀ ka kwoŋo wɔ́b pú’u, ńnáa wɔ́b mmó gie á ge kẅéte wɔ́b mánzsè, ńzsé ngie pɔ́ ge giŋe ná ńtí gie á ne ńzɛ́te ngie pàfa’a fà’a Ssé giŋ pú’u.

3 Jâŋ 1:6 Referans Kwoze

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

Titus 3:13

Zenas gẅie à tága nzèm pʉ̀a jʉ’ʉ ntsaŋ, tà mbɔɔ Apolos lɔɔn ńgwaa cʉ́me mánzsè legìŋ, ɔ̀ náa wɔ́b kɔ̀ɔkɔ́ɔ gie á ne ńzɛ́te ngie pɔ́ gẅiin.

Megàŋ ntúm 15:3

Acú’tè pʉ̀a Kristo ye Antiokia ná shúm sie á ne ńzɛ́te mbwo pɔ́b lélɔg ńcʉ́me mánzsè. Pɔ́ cʉa tsɛ̀ɛ ngwòŋ Fenisia, mbàa tsɛ̀ɛ we Samalîɛ, ńgiŋe shwóŋó mbwo pʉ̀a Kristo ngie pʉ̀a pie é té pà Yuda wɔ́ kéen sele nnɛ́ tà ńcʉ́’ ńgwɔ́ pɔ́ nzèm Cʉ̀apʉ̀a, mefɛ́ mefɛ́ jú’ ḿbú ńkág tɛ’.

1 Piɛ 2:20

Pi zɔɔn ńcʉ́’ʉ leshÿɔg ngɔ́’, éshÿɔg gie e kúu gẅi ńtí nò tepòŋ gie pi gÿǒ, mbà mé ge ná mekù’ mí nà kɔ́? Tá pi ké ńgÿo nò mbòŋo, mé náa gẅi ngɔ́’, pi shÿɔg, mbà wɛ̌ léshÿɔg aa mvfò Ssé ńgwɔ́ nò mbòŋo.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Filipo 4:14

Tà mbɔɔ pú’u, pi ka gÿo mboŋó lékẅéte wɔ̀ɔn ná fʉ̀’ɔɔn gie mèŋ n ne ńgyá ngɔ́’ lɔɔn.

2 Korento 1:16

Mèŋ n ka ne ńkwaŋa le gwaa gʉa Makedonia ńcʉa lá’ pi, ḿbiŋ fó Makedonia ńgíŋ ńtó né lá’ pi, pi kẅéte wɔ̀ɔn légʉa tà ńkúu Jẅidea,

Roma 15:24

Mèŋ n ké ne ńgyá fʉ̀’ɔɔn ngie mèŋ n ge gwɔ́ gʉa Spana, étóo lá’ pi. Mèŋ n zɔɔn ne ńtsɔ́ɔn légwɔ́ cʉa, ńgyá gẅí, pi kẅéte wɔ̀ɔn légʉa wó. Á ge gÿo wɔ́ lêkɔ́ wɔ́ pege gÿo ḿbú ńná’a ńnéŋe méjʉ’.

Megàŋ ntúm 21:5

Yɛ̌ ngàb mag, peg gíŋ ńcʉ́me mánzsè. Pʉ̀a Kristo metsèm lâ pànzwě lê gubé yɔ́b gʉa ńtsege wég. Pega pɔ̌ gʉa tà ńkúu ngʉ̀ŋe ntse té pàa, ńkẅí’te ssé, ésẅíŋte Ssé,

3 Jâŋ 1:12

ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.

Megàŋ ntúm 15:29

Pi pɔ́ɔn lépfɛ̀ɛ pfwɔ́’ɔ mbab gie mé lɔ̌g ńgwá’ messé. Pi pɔ́ɔn lépfɛ́ mbab nɔ̀ɔn gẅie me fomé yé fóme. Pi pɔ́ɔn lépfɛ́ metse. Pi pɔ́ɔn lépumo wɔ̌wɔ́ɔ pia pɔ̌ nuŋe nuŋe. Pi lɔɔn ńjú’ ncwò weg ná mɔɔn menò ńkú’te, mbà pi gÿǒ mboŋó. Peg mefɛ́ pí, peg tsyɛ’té gẅí.