3 Jâŋ 1:12 - Nouveau Testament en Ngienboum

¹² ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.

3 Jâŋ 1:12 Referans Kwoze

1 Timote 3:7

Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

Ŋwà’ne Jâŋ 21:24

Wɛ̌ *ngàŋa kwò Yěsô gẅie mé gɔɔn, la gyá mɔɔn menò, yé zɔ la ŋwe’e. Peg piŋ ne ńzsé ngie nò gie à gɔɔn áa nénʉ́.

Megàŋ ntúm 22:12

Ńkúu wó, atsɔ̌ nyìŋ gwɔ́ wó. Mé tóŋo yé lê Ananias. Á gwɔ́ nyìŋ ńgÿo mekù’ Ssé kwà’ pá’ *lepʉ̌ ségè ne ńzɛ́te. Pà Yuda pie pɔ́ tsẅé tÿǒsoŋ Ndamas tà ḿmaga wɔ́b pɔ́ kíme yé pɔ́ mboŋó.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Ŋwà’ne Jâŋ 19:35

Nyìŋ gẅie à shwóŋó gẅi aa njÿò ńgyá nà kɔ̀ɔkɔ́ɔ gie á la cʉa. Á gwɔ́ kwà’ pá’ á la cʉa. Kwà’ yé lê twó yé ne ńnyɛte ńzsé ngie à gɔɔn nò nénʉ́, ńgɔɔn pá’ɔɔn légwɔ́ gie pi gí ge záb ntʉ́m ná yɔɔn nò.

1 Tesalonika 4:12

ńzsé ngie pʉ̀a pie é té pʉ̀a Kristo wɔ́, ge gyá pú’u, é gɔ’te gi ntí leńnéŋe. Pi piŋ ńké le cʉ́’ʉ pì’ mbwo tsɔ́ nyìŋ wɔ́.

Megàŋ ntúm 6:3

Pú’u lá, mbà mefɛ́ mefɛ̀, pi gʉa tsetsɛ̀ɛ pi, éfa’ pʉ̀a sɔɔn mbʉ́a pá’ pɔ́ ge ně fa’a yɛ̌ fà’. Pi cʉ́’ʉ letsɔ́’, ńdíe pʉ̀a pie tsẅé yɔ́b poŋ. Epʉ̀a pie Zẅìge Ssé léen ńjÿó letʉ́m sɔ́b. Pɔ́ piŋ ńgẅiin zsé nò. Peg cʉ́me fà’a shúm léjÿó mbwo pɔ́b,