2 Timote 4:1 - Nouveau Testament en Ngienboum

¹ Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

2 Timote 4:1 Referans Kwoze

Megàŋ ntúm 10:42

À ka piŋ ńtúmo wég ngie peg gʉa ńtsẅi nkù mbòŋo mbwo lá’, ńgÿo pɔ́ zsé ngie yé Yěsô ŋwɛ́ aa nyìŋ gẅie Ssé ka tsɔ̌’ ngie à zá’ ntsaŋ pʉ̀a metʉ̀ pâ mepfó ssé.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

1 Timote 5:21

Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

1 Piɛ 4:5

Tá’ pɔ́ ge gÿo tyé mvfò Ssé gẅie à tyě pá’ à ge zá’ ntsaŋ pʉ̀a metʉ̀ pâ mepfó ssé, építe ncwò wɔ́b nà ngÿǒ menò mɔ́b.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

2 Tesalonika 2:8

Yé fùɔ menò tepòŋ lêen ńké ńkẅɛ. Á yé gẅie Cʉ̀apʉ̀a Yěsô ge lá’ fÿɔ́gɔ zẅɛ̌ ncwò yé ná yé à kwé, ńtí gie Yěsô lɔ̌g ńtó, e gÿo à mag.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

Lukase 23:42

Á kaga yé pú’u, ḿbiŋ sẅíŋte Yěsô ngie: Yěsô, ɔ̀ lɔɔn ńdá’ ńtóo nà lefùɔ shú, ɔ̀ pɔ́ɔn lélege wɔ̀ɔn.

Lukase 19:15

Tá á gʉa tà ńkúu wó, mé ke ńdɔgɔ yé ńgÿo pɔ́ fùɔ, á piŋ nzèm fʉ̀’ɔɔn, ńtóŋ megàŋa fà’ pé pie à la ná ntà metʉ̌a mbwo pɔ́b la, légwɔ́ gie pɔ́ ge shwóŋó yé pá’ pɔ́ ka cʉ̌’ ńtáŋ tà é gwɔ́ pú’u.

Lukase 19:12

Atsɔ̌ mûɔ ntɔ́’ lǎ’ ńdu ssé ńgʉa tàa túm pá’ mé ge lɔgɔ yé gÿo fùɔ ntÿɔ́’ tá à piŋ nzèm, ésá’a yé pàga lá’.

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

2 Piɛ 1:17

Á fʉ̀’ gie Ssé Tá la ná legú’ mbɔɔ mekù’ á mbwo yé, mé jú’ ngyè Ssé gẅie à gẅiin metʉ̀, á gɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág.

Kolosia 3:4

Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.

2 Timote 1:10

Áa fʉ̀’ɔɔn, mbà yɛ̌ nò mbòŋo kéen ńkẅɛɛ mángyɛ̌, á nue Yěsô Kristo gẅie à gÿo pege tsẅɛ́ɛ, à kéen ńtó. Yé zɔ ka gwoon legwé ńkẅé metʉ̀ mé. À ka tsẅi nkʉ̀ mbòŋo mbwo peg, ńnyɛɛ le gwɔ́ tèmi tà peg ne ńzsé. Á le gwɔ́ gẅie nyìŋ gẅiin à tè gíŋe ńkwé wɔ́.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.