2 Timote 2:8 - Nouveau Testament en Ngienboum

⁸ Kímte Yěsô Kristo, pá’ à la zíme nà legwé, à la fó nà ngẅɛ̀ fùɔ Ndavíd pá’ nkʉ̀ mbòŋo gẅie mèŋ n ne ńtsẅii é ne ńgɔɔn.

2 Timote 2:8 Referans Kwoze

Megàŋ ntúm 2:24

Tá e Ssé la kyɛ́’te menkÿo legwé nà yé, ńzíme yé mélà’ mie, á la zɔɔn ńtʉ́ pà’ à lɔɔn ńgwɔ́ legwé ńnéŋe yé ndá tsǎŋ.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

2 Tesalonika 2:14

Mɔɔn ée menò mie é la gÿo e Ssé lɔg Nkʉ̀ Mbòŋo gẅie peg la tsẅii mbwo pi, ńtóŋo gẅí, légwɔ́ gie pi ge kúu tsɛ̀ɛ legú’ Cʉ̀apʉ̀a wege Yěsô Kristo.

Matio 1:1

Mezíŋ pàmangʉa njʉ̀’ Yěsô Kristo gẅie aa na ngẅɛ fùɔ Ndavíd, éfóo na ngẅɛ Ábalam e mɔɔn:

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Korento 15:4

Mé la ńnéŋe yé tsɛ̀ɛ lesyè, á gwaa gwɔ́ lyɛ̌’ sétá á zíme nà legwé, pá’ ŋwà’ne Ssé la tʉ́ njÿó ńgɔɔn.

Ŋwà’ne Ngyà jʉ’ 5:5

Tá tsɔ̌ nyìŋ ná melÿò pá tó ńgɔɔn né mèŋ ngie: Tè gíŋe ńdʉa. Nyìŋ aa ssé. Pú’ ntʉ̀ gẅie à fóo ná tsìŋe ndá Jẅida, é lejÿɔ́g mmó sie é fóo ná lenŋàŋ fùɔ Ndavíd, à kéen ńdÿɔ́’ ncù tà ńcʉa nò tepòŋ. À ge lɔg pú’u, é ku’u nyìŋ gẅie ńgwɔ́ á kyɛ́’te lìi nŋwá’ gie mé la lyɛte nà mejʉ’ sɔɔn mbʉ́a, é piŋ kyɛ́’ɛ tà’ shʉ̀a ffo ŋwà’ne.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

1 Korento 15:1

Mefɛ́ pɔ́ɔn, tà mèŋ n kímte gẅi nkʉ̀ mbòŋo gẅie mèŋ n da tsẅi mbwo pi, é nkʉ̀ gẅie pi la jú’ ńzẅíŋ, pi ee ńké ńzába ntʉ́m mǒ záb tà ńkú lyɛ̌’ɔɔn.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Megàŋ ntúm 13:23

E Ssé piŋ ńgʉa nà ngẅɛ̀ ndá fùɔ Ndavíd, ńgÿo mé zyé nyìŋ gẅie à ge gÿo pà Israel tsẅɛ́ pá’ à la ka’, angàŋ gwɔ́ Yěsô.

Megàŋ ntúm 2:30

Tá’ à laa *ntsẅì nkʉ̀ Ssé, ḿbiŋ ne ńzsé nò gie Ssé la ká’a mbwo yé tà ńkʉa ngie yé Ssé ge lá’ gÿo, múɔ gẅie à kẅɛɛ nà ngẅɛ̀ yé zɔ ńnéŋe nà leŋe lefùɔ yé.

Lukase 24:46

Ńgɔɔn ngie: Áa tsɛ̀ɛ ŋwà’ne Ssé ńgwɔ́ ngie: *Nzà’nkÿo gẅíin lé lá’ ńgyá ngɔ́’, ńkwé, tá Ssé piŋ ńzíme yé nà legwé nà mbɔ́ɔntè lyɛ̌’ tá.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

2 Timote 2:7

Sáŋa nò ná menò mie mèŋ n gɔɔn lɔɔn, Cʉ̀apʉ̀a ge zɔɔn náa gú legyè lélɔg ḿbú ńjú’ ntsèm.