2 Timote 1:8 - Nouveau Testament en Ngienboum

⁸ Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

2 Timote 1:8 Referans Kwoze

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

2 Timote 4:5

Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

2 Timote 2:9

Mèŋ n gyá ngɔ́’ tà mé lɔgɔ metsɛ̂n ńkwɛ́ɛ wɔ̀ɔn pá’ fʉ̀’ gie mèŋ n gee nyìŋ tepòŋ la pá’ɔɔn ńtí pɔ́ nkʉ̀ mbòŋo ŋwɛ́. Tá’ mé kaa shwóŋè Ssé kwɛ́ɛ.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Filipo 3:10

Mèŋ n ne ńtsɔ́ɔn pɔ́ tà’a nò wémɔ’ɔ́. Á gwɔ́ ngie n zsé yé Kristo, ńzsé metʉ̀ mie é la gÿo á zíme ná legwé, ńgyá ngɔ́’ pá’ à la gyá yé, ńzẅíŋe lénáa twó yɔ́ɔn ńkwé pá’ à la náa yé,

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

2 Timote 1:16

Mèŋ n ké ne ńdúɔ mbwo Cʉ̀apʉ̀a ngie à gÿo nò mbòŋo ná tsìŋe ndá Onésifor, ńdúɔ pú’u, Á nue à neŋé ńnéŋ ntʉ́m wɔ̀ɔn tɛ’, à laa kú shʉ́ ná mèŋ pá’ mèŋ n gee ngàŋa tsǎŋ wɔ́.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

1 Piɛ 1:5

ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

2 Timote 2:3

Gyá jú ngɔ́’ pá’ kwà’ ndÿɔ́’ ncù we Yěsô Kristo.

1 Tesalonika 3:4

Pi kímte pá’ peg la nyé tsetsɛ̀ɛ pi, ḿvɔg shwóŋó gẅi ngie ngʉ̀ngʉ̀ ge tóo ná pege. E kéen ńtó tà pi né ńzsé gí.

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

Efeso 3:13

Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

1 Korento 1:6

Á fó ná pá’ mé ka shwóŋó gẅi nò gie mé zsé ná Kristo, pi zẅíŋ lê ntʉ́m gẅi ntsèm,

Ŋwà’ne Jâŋ 19:35

Nyìŋ gẅie à shwóŋó gẅi aa njÿò ńgyá nà kɔ̀ɔkɔ́ɔ gie á la cʉa. Á gwɔ́ kwà’ pá’ á la cʉa. Kwà’ yé lê twó yé ne ńnyɛte ńzsé ngie à gɔɔn nò nénʉ́, ńgɔɔn pá’ɔɔn légwɔ́ gie pi gí ge záb ntʉ́m ná yɔɔn nò.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

Efeso 4:17

Áa mmó gie á gÿo, mèŋ n ge gɔɔn yɔɔn nò tà cwoŋo gɔɔn né pi á nà lezíŋ Cʉ̀apʉ̀a ngie: Tà pi gíŋe ńgÿo shúm sí pá’ pʉ̀a pie pɔ́ té Ssé zsé la. Pɔ́ gÿo pɔ́ mmó gie nkwaŋá wɔ́b gẅie é té kẅéte shwóŋó wɔ́b ngie pɔ́ gÿo.

2 Korento 6:7

Peg shwóŋ yég pɔ́ nò nénʉ́, ammó gie peg gÿo á nyɛ pɔ́ metʉ̀ Ssé. Peg lɔg pɔ́ nò gie á tyé ndʉŋ ndʉŋ ńdɔg ńgÿo yég mmó lɔg ńkem ncù tà mbɔɔ yé lɔg ńdÿɔ́’ ncù.

Roma 8:36

Á lɔgɔ ńgwɔ́ mmó gie mé la ŋwe’e tsɛ̀ɛ ŋwà’ne Ssé ngie: «Áa lyɛ̌’ ntsèm legwé ne ńnÿɔgɔ weg nÿɔg ńtí gú. Mé ne ńdíe wég pá’ *menjʉ̀njÿò mie mé gee ngwǎ la».

Ŋwà’ne Jâŋ 15:27

Pi gí gíŋe ńgwaa shwóŋó nò gie pi zsé ná mèŋ, à gwɔ́ pɔ́ pá’ pege zɔ gwɔ́ tà fó nzyetě.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

2 Timote 1:10

Áa fʉ̀’ɔɔn, mbà yɛ̌ nò mbòŋo kéen ńkẅɛɛ mángyɛ̌, á nue Yěsô Kristo gẅie à gÿo pege tsẅɛ́ɛ, à kéen ńtó. Yé zɔ ka gwoon legwé ńkẅé metʉ̀ mé. À ka tsẅi nkʉ̀ mbòŋo mbwo peg, ńnyɛɛ le gwɔ́ tèmi tà peg ne ńzsé. Á le gwɔ́ gẅie nyìŋ gẅiin à tè gíŋe ńkwé wɔ́.

2 Timote 2:8

Kímte Yěsô Kristo, pá’ à la zíme nà legwé, à la fó nà ngẅɛ̀ fùɔ Ndavíd pá’ nkʉ̀ mbòŋo gẅie mèŋ n ne ńtsẅii é ne ńgɔɔn.