2 Timote 1:5 - Nouveau Testament en Ngienboum

⁵ N daa lege ngie ɔ̀ záb ntʉ́m ná Yěsô Kristo tà shwóŋó nò wɔ́, n te lege ngie má gù we ndÿò Lowas tà mbɔɔ má gù Eunis lɔ̌ɔn ńgÿo pɔ́ pú’u wɔ́. N zsě ngie mbàa gù jú ɔ̀ giŋé ńzáb ntʉ́m ná Yěsô pɔ́ pá’ pɔ́b.

2 Timote 1:5 Referans Kwoze

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Megàŋ ntúm 16:1

Pɔl gʉa tà ńkúu tÿǒsoŋo Nderbe, ńgÿo fó wó ńdɔg ye Listele. Àtsɔ̌ nyìŋ Kristo gwɔ́ wó, mé tóŋo yé lê Timoté. Má we gwɔ́ mûɔ Yuda, mbà à léen ńzẅíŋe nò Yěsô. Mbà tá we laa nyìŋ Gelekia.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

Roma 15:14

Mefɛ́ pɔ́ɔn, kwà’ mèŋ n ne ńzsé ngie pi gẅiin pòŋo ntʉ́m tɛ’, ńne ńnyɛte ńzsé mmó gie á zɛ́te ngie mé zsé, ḿbiŋ ńku’u létÿɔ́gte mennɛ́ mí pi né pi.

Heber 6:9

Mefɛ́ pég pe ntʉ̀ nzẅìŋ, peg ké ńgɔɔn pá’ɔɔn ńne ńzsé kwà’ mboŋó ngie pi ee ná mánzsè we mbòŋo á gwɔ́ gẅie mé pfó mǒ ńtsẅɛ́.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

Roma 8:38

Mèŋ n zɔɔn ne ńcwoŋo ńzsé ngie, atsɔ́ mmó gie à lɔɔn ńgwɔ́ á fege wega Ssé á té wó wɔ́, tá pá’ à lɔɔn ńgwɔ́ pɔ́ legwé, ńgwɔ́ pɔ́ ngɔ́’ gie e tswé’e nà le gwɔ́, éfó ńgwɔ́ pɔ́ *mecÿɔ́’ Ssé, ńgwɔ́ pɔ́ shúm sie é sá’a njÿó, ńgwɔ́ pɔ́ yɔɔn fʉ̀’ʉ njÿó ka pɔ́ gie á ge gÿo tá tó wɔ́,

Roma 4:21

ńkwa’ ne ńcwoŋo ńzsé ngie Ssé gẅiin metʉ̀ lélɔg ńgÿo ammó gie yé Ssé kǎ’ á pumte.

Heber 11:13

Pɔ́b metsèm la gwaa kwéte ńne ńzába ntʉ́m wɔ́b pɔ́ nà Ssé, ńké nyé pɔ́ tè gẅiin mmó gie e Ssé la ka’a mbwo pɔ́b. Tá pɔ́ la ké ńtyé ńgyá pá’ á nyé ngʉ̀a shʉ̀shʉ̀a, anò poŋo wɔ́b tɛ’, pɔ́ shʉa shʉa ńgɔɔn ngie pɔ́ ée ndùmo ssé tsetsá’ ńgwɔ́ pɔ́ megʉ̀, ḿbiŋ ńgwɔ́ pɔ́ legúɔ.

Roma 14:14

Mèŋ n ne ńzsé, tá ńdɔgɔ pɔ́ pá’ mèŋ n da nnɛ́ ná Cʉ̀apʉ̀a Yěsô, ńnyɛte ńzsé ngie atsɔ́ mmó té wó gie á pu’ ssé ńgẅiin *lɔ̌’ wɔ́. Tá ńké ńgwɔ́ gie nyìŋ lɔɔn ne ńkwaŋa ngie *lɔ̌’ áa nà tsɔ́ mmó, mbà á ge gwɔ́ nà yé twó à *lɔ̌’ gwɔ́ nà yɛ̌ mmó.

Roma 14:5

Áa mbwo tsɔ̌ nyìŋ, á zsé ngie tsɔ́ melyɛ’ɛ́ lá’ cʉa metsɔ́, ńgwɔ́ mbwo wetsɔ̌ nyìŋ, á zsé yé ngie melyɛ’ɛ́ lá’ gwɔ́ pɔ́ ndʉŋ ndʉŋ. Á zɛ́te ngie wɔ̌wɔ́ɔ kwa’ ńnyɛte ńzsé mmó gie aa ntʉ́m yé ne ńzsé.

Megàŋ ntúm 26:26

Tà nɔ̀ɔn temà’ Agripa neŋé pɛ́’ɛ̀ ḿbú ne ńzsé pɔ́ ntsèm. Áa mmó gie á gÿo mèŋ n tyé mvfò yé ńgɔɔn nò té pɔ́g, mélà’mie mèŋ n zsé ngie, atsɔ́ nò gie áa mǒ, á ne ḿmoŋe, á té wó wɔ́. Á zɔɔn ńgwaa gwɔ́, mbà mɛ̌ menò kà tè cʉate pɔ́ jʉ’e lelyěen wɔ́.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.