2 Piɛ 3:9 - Nouveau Testament en Ngienboum

⁹ Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.

2 Piɛ 3:9 Referans Kwoze

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

Ŋwà’ne Ngyà jʉ’ 2:21

N ka na’á ńne ńzẅí’te zẅi’té ngie à kúbe mà we. Tá’, à tè ne ńkwoŋo lékúbe mà mpfwɔ́’ ŋwɛ́ wɔ́.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

Heber 10:37

Á zɔɔn ńgwɔ́ tsɛ̀ɛ ŋwà’ne Ssé, mbà mé la ŋwe’e ngie: Á cʉ́’ʉ méjʉ’, á kwà’ mûɔ méjʉ’ nyìŋ gẅie à ne ńtóo, à tó. À tè láte wɔ́.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

1 Piɛ 3:20

Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

2 Piɛ 1:4

Á la fó pú’u, á ná shúm tʉ̀ nzẅìŋ á mbwo pege, é gwɔ́ sie é kẅéte wégè tɛ’, ńgwɔ́ sie à la ka’, ńnáa pú’u, légwɔ́ gie pege ge cʉa ná sɛ̌ shúm, é ku’u lékÿo menò ncÿǒ mie ée tsɛ̀ɛ yɔɔn njÿó, éfóo ná shúm sie mbùm yege tsóte wégè légÿo, é kÿo pú’u, é cʉ́’ ńgẅiin pɔ́ tsẅé ye yé Ssé.