2 Piɛ 3:4 - Nouveau Testament en Ngienboum

⁴ é gɔɔn ngie: Yěsô la tè gɔɔn ngie à ge tó gwaa? À gwɔ́? Metá pég léen ńdá’ ńkwéte, à tsɔ́ mmó ké laa kúbe, à kɔ̀ɔkɔ́ɔ ké ńgwɔ́ pɔ́ pá’ á la gwɔ́ tà fó pá’ mé la nyɛte njÿó.

2 Piɛ 3:4 Referans Kwoze

Lukase 12:45

Tá pege gɔɔn ngie ngàŋa fà’ cʉ̌’ nzèm, ńgɔɔn ngie: Tá fà’ wɔ̀ɔn tè lwo piŋ wɔ́, ńdeen ńké ńzye lécúa petsɔ́ megàŋa fà’, pe mbàŋa lâ pe pànzwě, ḿpfɛ́ɛ mmó, ńnú melù’ ḿbʉ́a.

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

1 Tesalonika 2:19

Pi zɔ zɔɔn ńgwɔ́ pʉ̀a pie pɔ́ gÿo peg ne ńzẅí’te lyɛ’ɛ́ lá’ Cʉ̀apʉ̀a tɛ’. Pi zɔɔ weg lekág, ńgwɔ́ yeg *ngǔ’ gie peg ge lá’ lɔg tyé mvfò Cʉ̀apʉ̀a wege, á fʉ̀’ gie à ge lá’ gíŋe tó.

Malékuse 13:19

Á nue ngʉ̀ngʉ̀ gie e ge lá’ kú pʉ̀a lyɛ’ó ge lá’ pú gyɔ́ɔn tɛ’, tà mbà mé laa zɔɔn ńgyá tsɔ̌ pú’u wɔ́. Tà fó pá’ Ssé la nuŋe njÿó, ńgʉa ńkú fʉ̀’ɔɔn, mé té lá’ gíŋe gyá tsɔ̌ ngɔ́’ pú’u wɔ́.

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie:

Malékuse 10:6

Á la ké fó nùŋe ngwòŋ, á té pú’u, wɔ́. «E Ssé la pwóon mámbàŋa pɔ́ manzwě».

Matio 24:28

«Àpfó mmó ge gÿo gwɔ́ nzɔ̌ wɔ́, megúm cú’te jʉ’ó».

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Megàŋ ntúm 7:60

À la gɔɔn pú’u, ńkẅí’te ssé, ńga’te lê tʉ̀ ngie: Cʉ̀apʉ̀a, tè líe mmó gie pʉ̀a pɛ ne ńgÿo, ńgɔ́ɔn pú’u, ńkwé.

2 Piɛ 3:12

ńne ńzẅí’te ngie lyɛ’ɛ́ lá’ Ssé tó, ńne ńkaga tʉ̀ légwɔ́ gie á ge lwo tó. Áa lyɛ̌’ gie mmɔ̌g ge lá’ túɔ lefaŋ e keme, é jʉ’ tóo ńtwěen, à kɔ̀ɔkɔ́ɔ gie áa lefaŋ wɔ́ à sí ńtsó.