2 Piɛ 3:11 - Nouveau Testament en Ngienboum

¹¹ Pá’ shúm asɛ̌ ge gÿo pú mag lɔɔn, á lɔgɔ shwóŋó gẅi ntí gie á póŋ ngie pi ńnéŋe pú’u. Á ne ńzɛ́te ngie pi ńnéŋe pɔ́ nà ntí gie Ssé ne ńkwoŋo, ńzsé pɔ́ ndà’ yé,

2 Piɛ 3:11 Referans Kwoze

1 Piɛ 1:15

Pi gwɔ́ pɔ́ Ndʉalʉ̌a nà kwò legìŋ gí ntsèm, ndʉŋ ndʉŋ pá’ Ssé gẅie à ka tóŋo gẅi aa Ndʉalʉ̌a la.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

2 Piɛ 3:12

ńne ńzẅí’te ngie lyɛ’ɛ́ lá’ Ssé tó, ńne ńkaga tʉ̀ légwɔ́ gie á ge lwo tó. Áa lyɛ̌’ gie mmɔ̌g ge lá’ túɔ lefaŋ e keme, é jʉ’ tóo ńtwěen, à kɔ̀ɔkɔ́ɔ gie áa lefaŋ wɔ́ à sí ńtsó.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.

Filipo 3:20

Á gʉa ná pege, mbà wégè ngwòŋ gwɔ́ pɔ́ tÿǒ lepwó. Pege ne ńzẅí’te ngie Cʉ̀apʉ̀a Yěsô Kristo fó wó ńtó, à gyô pege tsẅɛ̂.

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

1 Timote 6:3

Nyìŋ lɔɔn ńzí’i pʉ̀a nò ndyɛ̀’ɛ ńdɔgɔ ńgwá’a shwóŋè nénʉ́ gie á fóo mbwo Cʉ̀apʉ̀a wege Yěsô Kristo, mbɔɔ mmó gie pege zí’i pʉ̀a, pɔ́ fóo mǒ ńzába ntʉ́m ná yé,

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

Matio 8:27

Pɔ́ métsèm pú ḿmɔɔn, ńgɔɔn tsetsɛ̀ɛ pɔ́b ngie: Yɔ̀ɔn ee yɛ̌ ntí nyìŋ tà mbɔɔ fóm pɔ́ ntse jú’u ncwò wé?

Ŋwà’ne Jâg 1:24

À lǐe tà ńtsẅé jʉ’, tà fó jʉ’ó ńgʉa, ḿbú ńdege pá’ à gwɔ̌.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

1 Timote 6:6

Á ké ńzɔɔn ńgwɔ́ nénʉ́ ngie nyìŋ záb ntʉ́m ná Ssé, mbà aa ngàŋa fù’ pá’ nò lɔɔn ḿboŋo yé nà mmó gie Ssé nǎ mbwo yé.

2 Piɛ 1:6

ńgʉa ná le zsé mmó gie Ssé ne ńkwoŋo, ńkẅi’i pá’ pi ge gwoonte mbùm gí, ńgʉa ná legwoonte mbùm ńkẅi’i létʉte tʉte, ńgʉa ná letʉte tʉte, ńkẅi’i lé zsé pɔ́ ndà’ Ssé,

Heber 13:5

Tà pi kwoŋ nkáb kwoŋ tà é cʉ́’ʉ sá’a gẅi sá’, pi kág kág nà kɔ́ wɔ́ gie pi gẅiin, á nue e Ssé la gɔɔn né nyìŋ mesoŋ ngie: «N te lá’ gwá’a gú wɔ́, é ké le nyé té ne ńdíe gú wɔ́.»

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

2 Piɛ 3:10

Alyɛ’ɛ́ lá’ Cʉ̀apʉ̀a ge lá’ tó pɔ́ pá’ tsǒŋ tóo lá. À gwɔ́ lyɛ̌’ó, lefaŋ gwaa mag, ejʉ’ zẅɛ tà mé pɔ́g. Eshúm sie ée lefaŋ e pú shÿó, tsetsá’ pâ shúm sie ée ndùmo e pú ḿmag.