2 Piɛ 2:5 - Nouveau Testament en Ngienboum

⁵ Tà mbɔɔ ngwòŋ we fʉ̀’ʉ mvfò gẅie pʉ̀a mesoŋ laa tsoló, ńgwɔ́ ngàŋ mefʉa e Ssé la tè nyé. À la gÿo ntse fó meshÿó meshÿó ńkwɔ́’, ńjÿó tsetsá’, mengàŋ mbù pé fÿɛ́ɛ tsoló. Á gÿo ndà’ Nóa, gẅie à la ne shwóŋó lá’ mmó gie e Ssé ne ńkwoŋo, lê pʉ̀a sɔɔn mbʉ́a zɔ̌ tsẅɛ́.

2 Piɛ 2:5 Referans Kwoze

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

2 Piɛ 3:6

À la gíŋe ńdɔg pɔ́ ntse, é ntse gẅie é la pú ńjÿó tsetsá’ ńdɔg ḿbyág ngwòŋ we fʉ̀’ʉ mvfò,