2 Piɛ 2:2 - Nouveau Testament en Ngienboum

² Pʉ̀a tà ńgyɔɔn cʉ́me nzèm pɔ́b ńcʉ́’ʉ ńgÿo pɔ́ menò shʉ́. Mé cʉa ná pɔ́b, ńzoonte mánzsè nò gie áa nénʉ́.

2 Piɛ 2:2 Referans Kwoze

Roma 2:24

Mé la zɔɔn ńŋwe’e tsɛ̀ɛ ŋwà’ne Ssé ngie: Pʉ̀a pie é té pà Yuda wɔ́ ne ńzoonte lezíŋ Ssé, á ké fó pɔ́ né pi.

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Jẅide 1:15

Á lélɔg ńŋág pʉ̀a metsèm, ńnéŋ ngʉ̀ngʉ̀ twó pʉ̀a tepòŋ métsèm ńtí mefà’ tepòŋ mie pɔ́ la fa’, éfó ná pá’ pɔ́ la tʉʉ twó mbwo Ssé, tà mbɔɔ ná shwóŋè ntsèm gie á pÿɔ́g pÿɔ̌g, á gie pʉ̀a tepòŋ ŋwɛ́ pie pɔ́ té mekù’ gẅiin é lǎ gɔɔn ná Ssé.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

Megàŋ ntúm 24:14

Tá’, anò gie n ge tyé mvfò gù, éshʉ̀ashʉ̀a zẅíŋ á gwɔ́ ngie: Mèŋ fa’a mbwo Ssé pàmangʉa njʉ’ pega pɔ̌. N ne ńgiŋe pɔ́ ná mánzsè gẅie pɔ́ lʉ’ʉ ngie aa we pʉ̀a pie pɔ́ fǎg nnɛ́, tà mbɔɔ pá’ mèŋ n ne ńzẅíŋe kɔ̀ɔkɔ́ɔ gie mé la ŋwe’e tsɛ̀ɛ ŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 16:17

Á cʉ́me nzèm peg lâ Pɔl, ńgiŋe ńgɔɔn lê tʉ̀ ngie: Epʉ̀a pɔɔn ée ngàŋa fà’ mbwo Ssé gẅie à pi’i kɔ̀ɔkɔ́ɔ! Pɔ́ ne shwóŋó gẅi pá’ à lɔɔn ńgwɔ́ pi giŋ pú’u tá ńtsẅɛ́.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

2 Piɛ 2:21

Mvfò kaa pá’ à lɔɔn ńgwɔ́ pɔ́ le zsé mánzsè ndʉŋ ndʉŋ wɔ́, ńcʉa pá’ pɔ́ ge zsé mbʉ̌ Ssé mie mé ka zí’i wɔ́b e piŋ gwa’.

Titus 2:5

é gwɔ́ manzwě gẅie à sáŋa nò tá ńgÿo, é gwɔ́ manzwě gẅie à zsě pɔ́ ndà’ ndǔm we, éfa’ mefà’ ndá mé mboŋó, é gwɔ́ manzwě gẅie mé kwoŋo nò yé, é gwɔ́ manzwě gẅie à jú’ ncwò ndǔm we. Pɔ́ lɔɔn ńgÿo pú’u, nyìŋ léshwóŋe té poŋ nà nò Ssé wɔ́.

1 Timote 5:14

Áa mmó gie á gÿo tá mèŋ n gyá ngie á poŋ ngie mepfɔ̌g pie é nyé pe mekʉ́ pɔ́ zɔ́’, ńzyé gubé, ńtáŋte mendá mɔ́b, á cʉa pú’u, megàŋ mbù pégè é le gẅiin shÿó légɔɔn nò ná pege wɔ́.

Megàŋ ntúm 19:9

Tá’, etsɔ́ pʉ̀a shÿɔg shÿɔg, ńdʉ’ʉ lézẅíŋ, ńtyé pɔ́ mvfò lá’ ńgwága nò ná mánzsè Yěsô gẅie Pɔl ne ńgɔɔn. Pɔl lêen ńké ńnyé wɔ́b, éfag pʉ̀a pie pɔ́ zẅiŋé lécʉ́’ pʉ̀a Kristo, ńdɔg ńgʉa lê jʉ’ʉ sekúd Tiranus, ńne ńzí’i wɔ́b mmó lyɛ̌’ ntsèm,

Megàŋ ntúm 18:26

Á gɔɔn nò Ssé *ndá cú’tè pà Yuda, éshʉa shʉ̌a. Piriska pɔ́ Akilas jú’u shwóŋè yé ńdɔgɔ yé ńgʉa, ńnyɛte ńda’te yé nò ńnáa ná mánzsè Cʉ̀apʉ̀a.

Megàŋ ntúm 14:2

Tá’ petsɔ́ pà Yuda lʉ’ʉ lézẅíŋ, ḿbímte pʉ̀a pie é té pà Yuda wɔ́, pɔ́ zye lélíe mefɛ́ mefɛ́ tepòŋ.

Megàŋ ntúm 13:10

ńgɔɔn né yé ngie: Mûɔ Sáta, ɔ́ɔ ngàŋa cÿɔ̌ nò. Ɔ̀ zsě pɔ́ léfʉte pʉ̀a. Ɔ̀ɔ ngàŋ mbù nò mbòŋo ntsèm, kɔ̀ɔkɔ́ɔ gie Ssé gÿo á tyé ndʉŋ ndʉŋ wɔ́, ɔ̀ lěen ńké ńtɔ́ɔn, ńŋwɔ́’te. Tà ɔ̀ te nyé wɛ nzẅìŋ pɛ́’ɛ̀ wɔ́?

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Malékuse 12:14

Pɛ̌ pʉ̀a tó ńgɔɔn né yé ngie: Tsítsà, peg ne ńzsé ngie ɔ̀ gɔɔn nò, á gwɔ́ nénʉ́, ḿbiŋ ńgɔɔn té pɔ́gɔ nyìŋ, ɔ̀ tè líe nyìŋ mesoŋ pɔ́ nà shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿo pú’u, shwóŋó wég, tà áa pé’e *lepʉ̌ lá’ ségè zẅíŋ ngie pege ma’ ncùb ńnáa mbwo Kása pà *Roma kà ngǎŋ?

Matio 22:16

ńtúm tsɔ́ ntá’ pʉ̀a ná *ngàŋa kwò yɔ́b, mbɔɔ tsɔ́ ntá’ pʉ̀a ná kwò pʉ̀a *Herôd ngie: Pɔ́ gʉa ńgɔɔn né Yěsô ngie: Tsítsa, peg ne ńzsé ngie ɔ̀ gɔɔn nò, ḿbiŋ ńda’te pɔ́ nò gie á tyé ndʉŋ ndʉŋ, ńgɔɔn té pɔ́gɔ nyìŋ, ḿbiŋ ńké tè líe nyìŋ mesoŋ pɔ́ ná shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿó pú’u.

Matio 7:14

Tá ncwò nká’ gẅie é gee lá’ letsẅɛ́ temi, kʉ́mte kʉmtě. Mánzsè piŋ ńtege tege, pà pfó wɛ̌ té gyɔ́ɔn.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

Megàŋ ntúm 22:4

Mèŋ n da gwɔ́ gwɔ̌ tà ńtsɔ́’ɔ kwò pàgiŋe ná mánzsè Yěsô té pòŋ, ńgÿo mé gwoon mbàŋa lâ pànzwě ḿma’a ndá tsǎŋ tà mbɔɔ pá’ mé lɔ́ɔn ńgwɔ́ mé tóo wó ńzẅé wɔ́b zẅé.

2 Piɛ 2:7

À la fó wó ńkẅile Lod. Á gwɔ́ nyìŋ gẅie à lɔ̌ɔn ńgÿo pɔ́ mmó gie áa ndʉŋ ndʉŋ mvfò yé Ssé, tà ńgyá tsẅé tepòŋ, lâ menò shʉ́ mie pʉ̀a mɛ̌ metÿǒsoŋ lɔ́ɔn fʉ̀’ʉ tà sá’a sǎ’, é pú ḿbÿɔ́gɔ yé tɛ’.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Jẅide 1:7

pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.