2 Piɛ 1:8 - Nouveau Testament en Ngienboum

⁸ Á nue pi lɔɔn ne ńgÿo menò mie mé tʉté lɔɔn, ńne ńdɔgɔ ńgee né mvfò, mbà é ge gÿo mbùm gi zeŋe légÿo mmó gie e Ssé kwoŋ, é gíŋe gÿo pi ne ńkẅi’i ńzsé nyìŋ gẅie Cʉ̀apʉ̀a wege Yěsô Kristo aa yé

2 Piɛ 1:8 Referans Kwoze

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Ŋwà’ne Jâŋ 15:2

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

Filipo 1:9

Ammo gie mèŋ m biŋ ńnéŋe sẅíŋte Ssé ńtsɔ́ɔn ngie à ná né pi aa yé légÿo pi kẅi’i ńgẅiin nkwòŋe ńdɔg ńgʉa lê mvfò, ńne ńcwoŋo ńzsé Ssé mboŋó, ńne ńzsé tyɛ̀’te gie áa nà nò mbòŋo pɔ́ ye tepòŋ.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Piɛ 1:2

E Ssé ne ńgwɔ́ né pi, ńne ńnéŋe sẅétè ntʉ́m pi mboŋó, éfó ná pá’ pi zsé yé Ssé, ńgíŋ ńzsé Cʉ̀apʉ̀a wege Yěsô.

Filemo 1:6

Mèŋ n ne sẅíŋte Ssé ngie à lɔg pá’ pege temte, á fóo nà lézǎb ntʉ́m nà yé la, ńgÿó ngie ɔ̀ cwòŋo ńzsé menò mbòŋo mie á zɛ́te ngie pege gÿo tá ńdɔgɔ fa’a mbwo Kristo.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

Filipo 2:5

Pi gẅiin nkwaŋá gẅie Yěsô Kristo la gẅiin.

2 Korento 13:5

Pi lê twó gí pi líe mbùm gí ńgyá. Kà pi ne ńgiŋe ndʉŋ ndʉŋ ná nò Kristo gie pi la zẅíŋ wɔ́. Pi nyɛte ńtsa’. Pi tè ne ńgyá ngie Kristo aa tsɛ̀ɛ ntʉ́m pi wɔ́ ka? Á gwé’e pé’è á té pú’u wɔ́, mbà á lɔgɔ ńgwɔ́ ngie pi tè pʉ̀a Kristo wɔ́.

Kolosia 2:7

Pi nyɛte ńcʉŋ leŋàŋ sí pɔ́ ná ye, ńtÿɔ́gɔ gẅi le gwɔ́ pɔ́ ná ye pá’ mé tÿɔ́gɔ ndá nà cÿǒ la, ńne ńkẅi’i ńkú’te pɔ́ nò yé mboŋó, yɛ̌ nò ké ńgwɔ́ pɔ́ pá’ mé la zí’i gẅí. Pi ne ńnáa ndǎg mbwo Ssé tɛ’.

2 Korento 9:14

Anò gí ge kúu ntʉ́m pɔ́b, pɔ́ ńnéŋe ne sẅíŋte Ssé nà twó sí, á nue pɔ́ gyá ngie à cÿó gʉm gí, pi gẅiin ntʉ́m mbòŋo tɛ’, tà ne ńkẅéte pʉ̀a pá’ɔɔn.

2 Korento 8:2

Ngʉ̀ngʉ̀ mentí mentí ne ńkúu pʉ̀a Kristo wó tá’, ntʉ́m wɔ́b ne ńkága kǎg tɛ’. Pɔ́ tsɛ ńgwɔ́ pɔ́ mepóŋ tɛ’ tá’, ńgẅiin ntʉ́m mbòŋo lénáa mmó tà á gyɔ́ɔn gyɔ̌ɔn.

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

1 Tesalonika 3:12

Peg giŋé ne ńdúɔ ngie Cʉ̀apʉ̀a gÿo nkwòŋe gie pi gẅiin tsetsɛ̀ɛ pi, mbɔɔ gie pi gẅiin ná petsɔ́ pʉ̀a mesoŋ metsèm, e kẅi’i kẅi’i, ńgie à gÿo e gwɔ́ pá’ gie peg gẅiin ná pi,

2 Korento 8:7

Á tyé nà kɔ́ wɔ́ pi zɔ̌ ná fʉ̀’ mbòŋo, pi záb ntʉ́m nà Ssé mboŋó, ńzsé légɔɔn nò á kẅɛ, ńzsé nò Ssé kwà’ mboŋó, ńzeŋe nɛ́ ngwòŋ fʉ̀’ ntsèm, ńgẅiin nkwòŋe á nzèm peg, pú’u la pi gíŋ ńná fʉ̀’ mbòŋo á ná yɔɔn fà’a pòŋo ntʉ́m.

Roma 12:11

Tà pi gwɔ́ melǒŋ, pi gwɔ́ pɔ́ megàŋa fà’. Pi lɔg ntʉ́m gẅi ntsèm éfa’a mbwo Cʉ̀apʉ̀a.

Ŋwà’ne Jâŋ 5:42

Tá’, mèŋ n zɔɔn ne ńzsé gẅí, pi ee ntʉ́m pi, pi tè Ssé kwoŋ.

Matio 25:26

Tá’, tá we tsɔ́’ɔ mbwó yé ngie: Ɔ̀ɔ ngàŋa fà’ we tepòŋ, ńgwɔ́ ndóŋ, ɔ̀ ka ne ńzsé ngie mèŋ n gee ńkába mmó jʉ’ gie mèŋ n ka tè wó ma’, ḿbwɔ́’ɔ mmó jʉ’ gie mèŋ n ka tè wó pye.

Matio 20:6

Á gÿo ńgwɔ́ ncwò nzèm ná nèm tʉ̀a, ńkẅɛ, ńgyá tsɔ́ megàŋa fà’ tyé, á zɛ́te wɔ́b ngie: Mélà’a kɔ́ pi tyé jʉ’ yɛ tà fó mba’ámba’ té ne ńgÿo tsɔ́ mmó?

Matio 20:3

Nèm lepfwɔ’ɔ́ piŋ ńku’, á gíŋe ńkẅɛɛ mbʉ̀a yé, ńgyá tsɔ́ ngàŋa fà’ gíŋe ńtyé mefagá nzsè, pɔ́ té ne ńgÿo tsɔ́ mmó wɔ́.

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Filipo 3:8

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì,

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

2 Piɛ 2:20

E pʉ̀a lɔɔn ńzɔɔn ńdɔg pá’ pɔ́ zsé Cʉ̀apʉ̀a Yěsô Kristo gẅie à gÿo pege tsẅɛ́ɛ, éfó nà ncÿǒ gẅie ée tsɛ̀ɛ njÿó ńkẅɛ, ńgÿo ńgíŋ ḿbiŋe tsoló, ńzẅíŋ sɛ̌ shúm pú ńjÿó wɔ́b, mbà pɔ́ ge pÿɔ́g tà cʉa pá’ pɔ́ ka zɔɔn ńgwɔ́.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.