2 Piɛ 1:7 - Nouveau Testament en Ngienboum

⁷ ńgʉa ná lezsě pɔ́ ndà’ Ssé, ńkẅi’i pá’ à nò mefɛ́ pí ge poŋo gẅí, ńgʉa ná pá’ nò mefɛ́ pí ne ḿboŋo gẅí, ńkẅí’i nkwòŋe.

2 Piɛ 1:7 Referans Kwoze

Heber 13:1

Pi kẅi’i ńgẅiin nkwòŋe tsetsɛ̀ɛ pi, pá’ á ne ńzɛ́te ngie pʉ̀a Kristo gÿo pú’u, tsetsɛ̀ɛ pɔ́b.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

1 Tesalonika 3:12

Peg giŋé ne ńdúɔ ngie Cʉ̀apʉ̀a gÿo nkwòŋe gie pi gẅiin tsetsɛ̀ɛ pi, mbɔɔ gie pi gẅiin ná petsɔ́ pʉ̀a mesoŋ metsèm, e kẅi’i kẅi’i, ńgie à gÿo e gwɔ́ pá’ gie peg gẅiin ná pi,

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

1 Jâŋ 4:21

*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.

1 Jâŋ 3:16

Nkwòŋe ee kɔ́ mmó? Pege ee fʉ̀’ɔɔn, mbà pege zsé ngie: Yěsô la náa twó yé ńtí wégè. Pú’u la, á ne ńzɛ́te ngie pege náa twó yégè ńtí mefɛ́ pégè.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.

1 Piɛ 2:17

Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

Kolosia 3:14

Anò gie á cʉa mɔɔn menò ntsèm, aa pi légẅiin nkwòŋe tsetsɛ̀ɛ pi. Nkwòŋe ee nkenkÿo gẅie é ge kwɛ́ɛ gẅi lɔg gÿo tà’ leka’á pá’ á ne ńzɛ́te ngie pi temte pú’u.

1 Piɛ 3:8

Mèŋ n ge gwaa cʉ́me, é gɔɔn fʉ̀’ɔɔn mbwo mânyìŋ ntsèm ngie, pi gẅiin tà’ ncwò, nyìŋ gẅi gyá nò nyìŋ pá’ yé, ńgwɔ́ ngàŋa tsɔ́ɔn mezìŋe, ńgẅiin nkwòŋe mefɛ́ mefɛ́, ńná nnɛ́ ssé.

1 Tesalonika 5:15

Pi pɔ́ɔn lélɔgɔ nò tepòŋ ńtsɔ́’ɔ nò tepòŋ. Pi gÿo pɔ́ nò mbòŋo tsetsɛ̀ɛ pi té tyɛ̀’te.