2 Jâŋ 1:5 - Nouveau Testament en Ngienboum

⁵ Tʉ̀ nzẅìŋ Má penkʉ́, ammó gie mèŋ n ne ńzɛ́te mbwo gù fʉ̀’ɔɔn á gwɔ́ ngie pege gẅiin nkwòŋe tsetsɛ̀ɛ pege, sɔɔn ke tè gwɔ́ pɔ́ tsɔ́ *lepʉ̌ se sẅé sie mèŋ n ŋwe’e ńnáa mbwo gù wɔ́, ée *lepʉ̌ sie pege gẅiin tà fó nzyeté.

2 Jâŋ 1:5 Referans Kwoze

1 Jâŋ 3:11

Anò gie pi la jú’ tà fó nzyeté á gwɔ́ pɔ́ ngie: Pege gẅiin nkwòŋe tsetsɛ̀ɛ pege.

1 Tesalonika 4:9

Atsɔ́ mmó gie ngwɔ́ n ŋwe’e ńná né pi ńtí nkwòŋe tsetsɛ̀ɛ mefɛ́ mefɛ́ á té wó wɔ́, n gɔɔn nue pi ka zi’í pɔ́ kwà’ mbwo Ssé lékwoŋ mennɛ́ mí.

Ŋwà’ne Jâŋ 15:12

*Lepʉ̌ sɔ́ɔn e sɔɔn: Pi kwoŋe pi né pi pá’ mèŋ n ka kwoŋo gẅi la.

1 Jâŋ 3:23

*Lepʉ̌ sé ŋwɛ́, e sɔɔn ńgwɔ́ ngie: Pege záb ntʉ́m ná Míŋ we Kristo, ḿbiŋ ńgẅiin nkwòŋe tsetsɛ̀ɛ pege, ée *lepʉ̌ sie Yěsô la záb ngie pege giŋe mǒ.

1 Jâŋ 4:20

Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.

1 Piɛ 4:8

Andùŋ mvfò mmó gie pi ge gÿo, aa gẅi légẅiin nkwòŋe tsetsɛ̀ɛ pi, mélà’mie nkwòŋe pyaga lelÿò menò tepòŋ.

2 Piɛ 1:7

ńgʉa ná lezsě pɔ́ ndà’ Ssé, ńkẅi’i pá’ à nò mefɛ́ pí ge poŋo gẅí, ńgʉa ná pá’ nò mefɛ́ pí ne ḿboŋo gẅí, ńkẅí’i nkwòŋe.

Heber 13:1

Pi kẅi’i ńgẅiin nkwòŋe tsetsɛ̀ɛ pi, pá’ á ne ńzɛ́te ngie pʉ̀a Kristo gÿo pú’u, tsetsɛ̀ɛ pɔ́b.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Ŋwà’ne Jâŋ 15:17

Ammó gie n kě ńzɛ́te gẅí, á gwɔ́ pɔ́ ngie, pi gẅiin nkwòŋe pi né pi.

2 Jâŋ 1:1

Mèŋ gẅie mèŋ n ge nkẅè mvfò tsɛ̀ɛ cú’tè pʉ̀a Kristo, mèŋ n náa yɔɔn ŋwà’ne mbwo Má penkʉ́. E Ssé la tsɔ́’ɔ gú. Mèŋ n giŋé ńnáa mbɔɔ mbwo gubé jú, m bǔ ńkwoŋo gẅi pɔ́ métsèm, á nue pege metsèm pǔ ńtyé nà nò nénʉ́, é té ndà’ wɔ̀ɔn mie mèŋ n kwoŋo gẅi wɔ́, awɔ̌wɔ́ɔ gẅie à tyé nà nò nénʉ́ giŋé ńkwoŋo gẅi yé.