2 Jâŋ 1:4 - Nouveau Testament en Ngienboum

⁴ Anò ka pǔ ḿboŋo wɔ̀ɔn tɛ’ pá’ n ka jǔ’ ngie tsɔ́ penkʉ́ pú ne ńgiŋe ná mánzsè nò nénʉ́ pá’ Tá wege la tsẅi né pege la.

2 Jâŋ 1:4 Referans Kwoze

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

Filipo 4:10

Mèŋ n ne ńnáa ndǎ’ mbwo Cʉ̀apʉ̀a, ḿbiŋ ńne ńkága tɛ’, mélà’mie pi gíŋe ńgẅiin shÿó lényɛ ngie pi ne ńkímte wɔ̀ɔn. Pi ka zɔɔn ne ńkímte wɔ̀ɔn kímte tá ńzága mánzsè lélɔg ńkẅéte wɔ̀ɔn.

Galatia 2:14

Tá’ n da gwɔ́ tà ńgyá ngie pɔ́ té ně ńgiŋe ndʉŋ ndʉŋ ná pá’ nkʉ̀ mbòŋo ée jʉ’ó ńgwɔ́ pú’u wɔ́, éshʉa shʉa ńtyé mvfò lá’, ńgɔɔn mbwo Piɛ ngie: Gù gẅie ɔ́ɔ nyìŋ Yuda, ɔ̀ kɔ̌ɔn ńnéŋe jʉ’ɔɔn á nà ntí gie pʉ̀a pie é té pà Yuda wɔ́ ne ńnéŋe, tà ɔ̀ tè ńnéŋe pá’ nyìŋ Yuda wɔ́. Ɔ̀ piŋe fa’a lésẅɛ pʉ̀a pie é té pà Yuda wɔ́, léńnéŋe pá’ pà Yuda mélà’a kɔ́?

1 Korento 13:6

à tè kága nà cÿɔ̌ nò wɔ́, à kǎg yé pɔ́ nà nò nénʉ́.