1 Timote 6:9 - Nouveau Testament en Ngienboum

⁹ Tá á ké ńgʉa ná pʉ̀a pie pɔ́ kwoŋo légẅiin shúm tà é gyɔ́ɔn gyɔ̌ɔn, mbà pɔ́ gwe tsɛ̀ɛ nkwà’te. Eshúm tepòŋ sie pɔ́ tsɔ́ɔn, é gwɔ́ sie é cʉŋte nyìŋ cʉŋte, é gwoon wɔ́b pá’ lejÿɔ́’ la. Sɛ̌ shúm tsóte pʉ̀a mesoŋ pɔ́ gwe ssé, ńkúu pyé.

1 Timote 6:9 Referans Kwoze

1 Timote 3:7

Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

Megàŋ ntúm 8:20

Tá Piɛ gɔɔn né yé ngie: Tà pia nkáb ɔ̀ ŋwɛ́ pú ńdége, mélà’mie ɔ́ɔ pɛ́’ɛ̀ ńkwaŋa ngie à lɔɔn ńgwɔ́ ɔ̀ lɔg nkáb, ńjúu mmó gie e Ssé náa mbwo pʉ̀a nǎ.

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Malékuse 4:19

ńgÿo ńzye lémÿɔg menò njÿó, nkáb zye léfʉte wɔ́b, pɔ́ ne ńtsɔ́ɔn setsɔ́ shúm tà ńgyɔ́ɔn, sɛ̌ shúm gÿo shwóŋè Ssé maga ntʉ́m pɔ́b té zém ntɔ̌ɔn.

Matio 26:15

ńgɔɔn né pɔ́b ngie: N dɔɔn ńnyɛɛ gẅi pá’ pi ge gÿo tá gwoon Yěsô, pi náa kɔ́ né mèŋ? Pɔ́ ná nkáb pàg móm ntá né yé.

Matio 19:22

Mûɔ shùm jú’u yɔɔn shwóŋó, eshÿó wé sẅɛ́’, á tém nzèm ńgʉa, mélà’mie à la gẅiin shúm tʉ̀ nzẅìŋ tɛ’.

2 Timote 2:26

ńgíŋe ńkwaŋa nò pá’ á kě ńne ńzɛ́te ngie pɔ́ kwaŋ, ńdeen ńké fóo tsɛ̀ɛ mejÿɔ́’ mie Sátà la lɔg ńgwoon wɔ́b ńkẅɛ. Mbà pɔ́ kaa tsoló ńcʉ́’ ńgwɔ́ pɔ́ megàŋa tsǎŋ, ńgÿo pɔ́ mmó gie Sátà ne ńkwoŋo.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

Lukase 21:35

á gwɔ́ mbwo pi pá’ lejÿɔ’ la. Pi zsé ngie menò yɛ̌ lyɛ̌’ ge lá’ vege vege gwoon pʉ̀a metsèm ndùmo ssé tsetsá’ ntsèm.

Matio 6:19

Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa.

Lukase 12:21

Yěsô ma’a twó ngie: Yɔɔn áa nò gie á gÿo nyìŋ gẅie à lagá fù’ ńcú’te ngie aa ngàŋa mmó, ḿbiŋ ńgwɔ́ menÿɔ́g Ssé ńké tè wɛ̌ wɔ́.

1 Timote 6:10

Á nue le ké ńtsɔ́ɔn pɔ́ légẅiin nkáb, à lɔg menò ntí ntí ńtó. Etsɔ́ pʉ̀a léen ńgwá’ mbùm yɔb ná nò nkáb, éfʉa mánzsè, pɔ́ té gíŋe ńzáb ntʉ́m nà Ssé wɔ́, ńdɔg ńtóŋ ngʉ̀ngʉ̀ tà ńgyɔ́ɔn ńnéŋe ná pɔ́b.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.