1 Timote 6:4 - Nouveau Testament en Ngienboum

⁴ mbà ngàŋ ŋa’te ngie à zsé nò, tá ńké tè ne ńzsé wɔ́. À zsé yé pɔ́ lézoŋo nò, ńgwá fó nà nò gie mé gɔɔn, ńcu’u twó pʉ̀a. Á cʉa pú’u, pʉ̀a zye légẅiin kègɔ́’, ńzye lézoŋo nò, ńzye zoonte, ńzye légyéte mefɛ́ pɔ́b ná nò tepòŋ,

1 Timote 6:4 Referans Kwoze

2 Timote 2:23

Kÿo menò mie mé gwá ńzoŋo é gwɔ́ pɔ́ megʉ̀gʉ̀ menò mie é té kẅéte. Ɔ̀ zsě ngie mé zoŋ mɛ̌ menò tà ńcʉ́’ʉ lémag, ńtág pɔ́ melà’.

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

1 Timote 3:6

Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

1 Timote 1:7

Pɔ́ ne ńkwoŋo légwɔ́ pà zí’i mbʉ̌ Mǒsê mbwo pʉ̀a. Pɔ́ ne ńgɔɔn nò gie kwà’ pɔ́b té ne ńjú’u wɔ́, ḿbiŋe ne ńdá’te nò gie pɔ́ té ne ńzsé wɔ́ tà ńnéŋe pɔ́ twó.

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Titus 3:9

Tá’ pɔ́ɔn légɔɔn nò nà menò mie é té tyé, pá’ menò mie mé zoŋo nà mezíŋ pàmangʉa njʉ̀’ peg, pá’ menò mie mé zoŋo nà mbʉ̌ Mǒsê, é té menò mie é kẅéte nà tsɔ́ nò wɔ́, tà tsǒon méjʉ’.

Megàŋ ntúm 15:2

Pɔl pɔ̀ Panebâse lʉ’. Pâ pɔ̌ zye nzoŋ, ńké tè gwɔ́ tà’ ncwò wɔ́. Á cʉa wɔ́b tà pɔ́ gebe tsetsɛ̀ɛ, ńzáb ngie, à lɔɔn ńgwɔ́ Pɔl pɔ́ Panebâse, ńgyo tsɔ́ ntá’ pʉ̀a gʉa Yerósalem, ńgyá ngàŋ ntúm Yěsô pâ pàkẅé mvfò tsɛ̀ɛ cú’tè pʉ̀a kristo légwɔ́ gie pâ pɔ̌ ge sáŋa nò ńnáa mǒ.

Ŋwà’ne Ngyà jʉ’ 3:17

Pá’ pi ne ńgɔɔn ngie pi ee ngàŋa mmó, ńgie pi kéen ńgẅiin nkáb tà é gyɔ́ɔn, tà pi cʉ’ʉ́ ńzága tsɔ́ mmó wɔ́ la, pá’ pi ké tè ńne ńzsé ngie pi ee ngàŋ ngɔ́’ tà ńgwɔ́ mé tsɔ́ɔn mezìŋe mí tsɔ̌ɔn wɔ́ la, mbɔɔ pá’ pi tè ne ńzsé ngie pi ee mefÿɔg, ńgwɔ́ pà fʉ̀ menÿɔ́g, ńtyéte té jÿɔ́g nzsǒ wɔ́ la,

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

Filipo 2:14

Pi gÿo kɔ̀ɔkɔ́ɔ té zẅɛ́te, té tsɔ̌ zòŋo nò tsetsɛ̀ɛ pi,

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

Filipo 1:15

Áa nénʉ́ ngie tsɔ́ pʉ̀a ée tsetsɛ̀ɛ pɔ́b, éshwóŋó nò Kristo pɔ́ lélɔg fa’a nò ná mèŋ, mbɔɔ lélɔg ńdʉŋte ntyě. Tá petsɔ́ ké shwóŋó yɔ́b pɔ́ lê nkwaŋá mbòŋo.

Galatia 6:3

Nyìŋ lɔɔn ńkwaŋ ngie aa mmó, té gwɔ́ yɛ̌ mmó, mbà à sele fʉte twó mbùm yé.

Galatia 5:26

Tà pege ŋá’te nnɛ́, tà pege tág melà’ tsetsɛ̀ɛ pege, tà pege gẅiin kègɔ́’ tsetsɛ̀ɛ pege.

Galatia 5:15

Tá ńgwɔ́ gie pi lɔɔn ne ńgÿo pá’ menɔ̀ɔn mbà’ pie ée ssé ne ńdúmte membùm mɔ́b, ńnéŋe mefʉ̌ŋ, pi laga twó gí, á nue pi ee pú’u, ńcʉ́’ʉ fa’a pɔ́ lécʉŋte mennɛ́ mí.

2 Korento 11:20

Epʉ̀a ne ńdɔgɔ gẅi ńgÿo menkwɔɔn pɔ́b, pi fa’a pɔ́ jÿó, pɔ́ ne ńjʉʉ shúm sí, ńne ńnwile gẅí, ńtúu pwó legɔ̌’ pi, pi zẅíŋe zẅǐŋ.

1 Korento 11:18

Á gʉa nà menò mie ée ssé, andùŋ mvfò nò aa pá’ n ka jǔ’ ngie pi ńnéŋe ssé tsɛ̀ɛ cú’tè gí, éfagte menùɔ menùɔ, ńgwɔ́ mèŋ n gyá ngie áa gǎ wɔ́, é gwɔ́ pɔ́ nò.

1 Korento 11:16

Nyìŋ lɔɔn ńké ńgyá ngie à ge zoŋo nò náa ná yɔɔn nò, mbà peg tè gẅiin mà we ndyɛ̀’ɛ wɔ́. Mecú’tè pʉ̀a Ssé ké tè gẅiin mà we ndyɛ̀’ɛ wɔ́.

1 Korento 3:18

MÀbɔ́ɔn nyìŋ léfʉte twó mbùm yé. Nyìŋ lɔɔn ńgwɔ́ tsetsɛ̀ɛ pi ńne ńkwaŋa ngie pʉ̀a njÿó ne ńgyá ngie áa nzsé nò, á zɔɔn ḿvɔg sele ńcʉ́’ʉ pʉ̀a tá ńdeen ńké ńgwɔ́ kwà’ nzsé nò.

1 Korento 3:3

anue mbùm gí zɔ nyé sá’a gẅí, kègɔ́’ zɔɔn nyé ńgwɔ́ pɔ́ tsetsɛ̀ɛ pi, pi nyě ńzoŋo nò zoŋ. Mbùm gí zɔ tě ńdɔgɔ ńnyé sá’a gẅi wɔ́? Pi tě ńdɔgɔ pú’u, ńnyé ńgÿo pɔ́ pá’ pʉ̀a njÿó gÿo wɔ́?

Roma 14:1

Mefɛ́ pɔ́ɔn, pi ne ńzsé ngie áa tsetsɛ̀ɛ pege, tsɔ́ pʉ̀a lɔg pá’ pɔ́ ne ńjú’u yɔ́b nò Ssé, ńne ńdÿɔ́’te tsɔ́ shúm, pi kú’te wɔ́b kú’te tà pia pɔ̌ zoŋo nò ná yɔ́b mmó gie pɔ́ ne ńkwaŋa.

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

Roma 12:16

Pi gẅiin tà’ ncwò tsetsɛ̀ɛ pi, tà pi tsɔ́ɔn pɔ́ mencwò fà’ melÿò, pi zẅíŋe légÿo mefà’ mie é ku’ ku’, tà pi kwaŋ ngie pi zsé nò.

Roma 2:8

Tá á ké ńgʉa ná pʉ̀a pie pɔ́ tʉʉ twó mbwo Ssé, ńdʉ’ʉ nò gie áa nénʉ́, ńgiŋe pɔ́ ná mánzsè gẅie e Ssé tè ne ńkwoŋo wɔ́, pɔ́ gyá pá’ e Ssé gyáŋa lóŋ ná pɔ́b, mbɔɔ pá’ nò yɔ́b pÿɔ́gɔ Ssé.

Megàŋ ntúm 18:15

Tá pá’ pi ké sele pɔ́ tsetsɛ̀ɛ pi, ńzoŋo nò pɔ́ nà meshwóŋè, pâ mezíŋ mbɔɔ *lepʉ̌ sie é gwɔ́ pɔ́ sí la, á líe pɔ́ gẅí. Mèŋ n te ne ńkwoŋo léŋag yɛ̂ ntí mentsaŋ wɔ́!

Megàŋ ntúm 8:9

Atsɔ̌ nyìŋ gwɔ́ tÿǒsoŋo Samalîɛ ŋwɛ́, lezíŋ sé gwɔ́ le Símo. À yé fà’ gwɔ́ légÿo lekàŋ. Pʉ̀a Samalîɛ gwá ńdie yé ḿmɔɔn mɔɔn. Á gwá ngie aa máa nyìŋ,