1 Timote 6:12 - Nouveau Testament en Ngienboum

¹² Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

1 Timote 6:12 Referans Kwoze

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

2 Timote 4:7

N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

1 Timote 6:19

Pɔ́ lɔɔn ńgÿo pú’u, mbà pɔ́ lɔgɔ ńcú’te fù’ yɔ́b ńde’e ná jʉ’ʉ mbòŋo, á jʉ’ gie yɛ̌ fù’ ge lá’a gwɔ́ pɔ́ wó, é lɔgɔ pú’u, gẅiin kwà’ le gwɔ́ wó.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

2 Tesalonika 2:14

Mɔɔn ée menò mie é la gÿo e Ssé lɔg Nkʉ̀ Mbòŋo gẅie peg la tsẅii mbwo pi, ńtóŋo gẅí, légwɔ́ gie pi ge kúu tsɛ̀ɛ legú’ Cʉ̀apʉ̀a wege Yěsô Kristo.

2 Korento 9:13

Pɔ́ ge zsé nzẅìŋ yɔɔn fà’, é gu’te Ssé ná pá’ pi ne ńtÿɔ́gɔ kwò ná nò gie nkʉ̀ mbòŋo Kristo ne ńgɔɔn. Pɔ́ ge gíŋe gu’te Ssé ná pá’ pi lɔgɔ́ pòŋo ntʉ́m, ńnáa mmó né pɔ́b tà mbɔɔ petsɔ́ pʉ̀a.

Heber 13:23

Pi zsé ngie mé kě ńnyé pwó ná fɛ́ wege Timoté. À lɔɔn ńtɔ́g ńtó, mbà mèŋ n ge gwɔ tó gyá gẅi peg yé gwɔ́.

2 Korento 6:7

Peg shwóŋ yég pɔ́ nò nénʉ́, ammó gie peg gÿo á nyɛ pɔ́ metʉ̀ Ssé. Peg lɔg pɔ́ nò gie á tyé ndʉŋ ndʉŋ ńdɔg ńgÿo yég mmó lɔg ńkem ncù tà mbɔɔ yé lɔg ńdÿɔ́’ ncù.

Filipo 1:30

Yɛ̌ ngɔ́’ ée ncù gẅie pi ne ḿma’a, mbà pi la gyá pá’ mèŋ m ma’a. Mèŋ n kě ńnyé ḿma’a pɔ́ wɛ̌.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.