1 Timote 6:11 - Nouveau Testament en Ngienboum

¹¹ Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

1 Timote 6:11 Referans Kwoze

2 Timote 2:22

Kÿo shúm tepòŋ sie nkàŋ nyìŋ tsɔ́ɔn. Pia pʉ̀a pie pɔ́ tóŋo Cʉ̀apʉ̀a lê ntʉ́m mbòŋo fa’a nò gie á tyé ndʉŋ ndʉŋ, ńzáb ntʉ́m nà Ssé, ńkwoŋ pʉ̀a mesoŋ, éfa’ mbʉ́lè.

2 Timote 3:17

Pú’u ńzsé ngie nyìŋ Ssé ge fóo nà ŋwà’ne Ssé, é zsé nò Ssé mboŋó, tá gwɔ́ fʉ̀’e kɔ́ wɔ́, é ku’u légÿo nò gie áa mbòŋ.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

1 Korento 10:14

Á gʉa nà menò mɔɔn ntsèm, mbà meshǔ pɔ́ɔn pentʉ̀ nzẅìŋ, tà pi gẅiin tsɔ́ nò ná legu’te shúm sie mé gu’te ngie ée messé.

1 Piɛ 3:11

Á poŋ ngie à lÿɔ́’ɔ nò tepòŋ, ńgÿo pɔ́ nò mbòŋo, é fa’ mbʉ́lè, ńzsete nzèm yé.

1 Korento 6:18

Pi nyɛte ḿbɔ́ɔn lélɔg mbùm gi ńgÿo kɔ̀ɔkɔ́ɔ gie pi kwǒŋ. Metsɔ́ menò tepòŋ mie pʉ̀a mesoŋ gÿo, ée nà pɔ́b ńgwɔ́ pɔ́ nzème pǐ. Tá ńgwɔ́ gie nyìŋ lɔɔn ńdɔg mbùm ye ńgÿo kɔ́ wɔ́, mbà à sele ńgÿo nò tepòŋ pɔ́ ná ye.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Korento 14:1

Pú’u lá pi vɔg ńkag tʉ̀ ńgÿo tà’a mmó, à gwɔ́ lékwoŋo nyìŋ mesoŋ, pi piŋ ńtsɔ́ɔn shúm ntí ntí sie Zẅìge Ndʉalʉ̌a lɔg ńcÿó gem pʉ̀a, ńtʉʉ lelÿò ńtsɔ́ɔn létsẅi nkʉ̀ gẅie é fóo mbwo Ssé,

Roma 14:19

Pú’u la, pege fa’a mmó gie á ge gÿo pege ńnéŋe ńnéŋe lê sẅéte, ḿbiŋ ńkẅi’i ńtóonte mennɛ́ mégè ná lezáb ntʉ́m nà Ssé.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

2 Timote 3:10

Á gʉa ná gù, mbà pɔgɔ lǎ zye ńnéŋe. Ɔ̀ ne ńzsé mmó gie mèŋ n zí’i pʉ̀a, ɔ̀ ne ńzsé yɔ́ɔn tsẅé, ńne ńzsé mmó gie mèŋ n gwɔ fa’ ńne ńtsɔ́ɔn yɛ̌, ńne ńzsé pá’ n záb ntʉ́m wɔ̀ɔn nà Ssé, ńzsé pá’ n gẅiin kwɔ́gɔ nnɛ́ pú’u, pá’ n kwoŋ pʉ̀a mesoŋ pú’u, ḿbiŋ ńzsé pá’ n kag tʉ̀ té kʉ́a pú’u.