1 Timote 6:10 - Nouveau Testament en Ngienboum

¹⁰ Á nue le ké ńtsɔ́ɔn pɔ́ légẅiin nkáb, à lɔg menò ntí ntí ńtó. Etsɔ́ pʉ̀a léen ńgwá’ mbùm yɔb ná nò nkáb, éfʉa mánzsè, pɔ́ té gíŋe ńzáb ntʉ́m nà Ssé wɔ́, ńdɔg ńtóŋ ngʉ̀ngʉ̀ tà ńgyɔ́ɔn ńnéŋe ná pɔ́b.

1 Timote 6:10 Referans Kwoze

1 Timote 6:9

Tá á ké ńgʉa ná pʉ̀a pie pɔ́ kwoŋo légẅiin shúm tà é gyɔ́ɔn gyɔ̌ɔn, mbà pɔ́ gwe tsɛ̀ɛ nkwà’te. Eshúm tepòŋ sie pɔ́ tsɔ́ɔn, é gwɔ́ sie é cʉŋte nyìŋ cʉŋte, é gwoon wɔ́b pá’ lejÿɔ́’ la. Sɛ̌ shúm tsóte pʉ̀a mesoŋ pɔ́ gwe ssé, ńkúu pyé.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Ŋwà’ne Jâg 5:19

Mefɛ́ pɔ́ɔn, nyìŋ gẅi lɔɔn fʉa mánzsè, ńnyé nò gie áa nénʉ́, mé piŋ ńtÿɔ́gte yé, tà á piŋ nzèm,

1 Timote 6:21

Tsɔ́ pʉ̀a ka gwaa fʉa mánzsè ńzɔɔn ńgɔɔn pɔ́ ngie pɔ́ zsé tɛ’, pɔ́ piŋ ńcʉ́’ʉ ńzába ntʉ́m nà Ssé wɔ́. Mèŋ n ge cʉ́’ʉ lécʉ́me, ésẅíŋte ngie e Ssé gwɔ́ né pi.

Ŋwà’ne Ngyà jʉ’ 18:13

Ammó pá’ tsɔ̌ ntí shúm nná’ pá’ gie mé tóŋo lé kanɛl mbɔɔ laméndɔɔn ntí ntí, lê lìi lâ tsɔ́ shúm sie mé tuɔ, lê melù’, lê mèvɛ, lê faline ntí ntí, lê mefòŋ, lê *menjʉ̀njÿò, lê melÿóon lâ mekélêg, lâ pu’ ye ńjú jǔ mbɔɔ ye ncù.

Matio 6:19

Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa.

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Malékuse 4:19

ńgÿo ńzye lémÿɔg menò njÿó, nkáb zye léfʉte wɔ́b, pɔ́ ne ńtsɔ́ɔn setsɔ́ shúm tà ńgyɔ́ɔn, sɛ̌ shúm gÿo shwóŋè Ssé maga ntʉ́m pɔ́b té zém ntɔ̌ɔn.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

2 Timote 3:2

Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.