1 Timote 5:3 - Nouveau Testament en Ngienboum

³ Lɔg mekù’ ńkẅéte mepfɔ̌g pie nyìŋ tè nzèm pɔ́b wɔ́.

1 Timote 5:3 Referans Kwoze

Megàŋ ntúm 6:1

Á láa nà yɛ̌ fʉ̀’, anùɔ pʉ̀a Kristo ně ńkẅi’i tɛ’. Atsɔ́ gwǒŋ gwɔ́ pà Yuda pie pɔ́ shwóŋó Gelekia, yetsɔ́ gwɔ́ yé pà shwóŋó kwà’ shwóŋè lá’. Pàshwóŋe Gelekia zyé lézẅɛ́te nà pàshwóŋe kwà’ shwóŋè lá’ ngie: Pɔ́ ne ńgaba shúm lyɛ̌’ ntsèm, pɔ́ téen náa sé mepfɔ̌g pɔ́b wɔ́.

1 Piɛ 2:17

Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Lukase 7:12

Pɔ́ gʉa tà ńcʉ́’ʉ lékúu tÿǒsoŋ, ńgyá, mbà mé kǎ pfó tsɔ̌ mûɔ mbàŋa, ńdɔgɔ ńgee ńtúŋo. Mbà é kaa ndà’ múɔ mbwo má we, á gwɔ́ mpfɔ̌g. Alá’ pú ńgwɔ́ nzèm yé tà ńgyɔ́ɔn.

Lukase 2:37

A la cʉ́’ʉ mpfɔ̌g pú’u, ńké těen ńtsó *jʉ’ʉ Ssé wɔ́, ńnéŋe *ńkwoŋo kwoŋ ńnéŋe nzyè, ésẅíŋte Ssé, ńtsẅé ńgu’te yé fʉ̀’e zsǒ pɔ́ lêtsẅɛ́’, ńdá’ ńgẅiin ngù’ ntsɔ̀b lekùa lê móm lefɔ̌ɔn,

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 15:6

Nyìŋ vɔg tà ńgɔɔn pú’u, mbà mé tè gíŋe zɛ́te yé ngie: Tà ɔ̀ gÿǒ mekù’ tá gù wɔ́? Pú’u, pi lɔgɔ mà lá’ gẅi ńgwága shwóŋó Ssé.

1 Timote 5:2

ńdíe mezẅìŋe pànzwě pá’ memá pú, ńdíe ngwàngùɔ pá’ mefɛ́ pú pe pànzwě, tè gẅiin tsɔ́ nkwaŋá ndyɛ̀’ɛ ntʉ́m gù.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Megàŋ ntúm 9:41

Piɛ kíbe pwó yé, ńgÿo á lu ssé. Á leen ńké ńtóŋ pʉ̀a Kristo lâ mepfɔ̌g, ńnyɛɛ Tapita mbwo pɔ́b, á gwɔ́ ntentʉ́.