1 Timote 5:21 - Nouveau Testament en Ngienboum

²¹ Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.

1 Timote 5:21 Referans Kwoze

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Ŋwà’ne Ngyà jʉ’ 14:10

angàŋ zsé ngie mbɔɔ yé yé ge gÿo nú melù’ gyáŋa lóŋ Ssé, é mie Ssé ge gÿo ńnéŋe tsɛ̀ɛ ntú’ gyáŋa lóŋ yé, tà fó le gwate. Angàŋ pɔ́ɔnte ńkú ngʉ̀ngʉ̀ á tsɛ̀ɛ mmɔ̌g *mekʉ̀a, á mvfò *mecÿɔ́’ Ssé pe ndʉalʉ̌a mbɔɔ mvfò Mûɔ *Njʉ̀njÿò.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Tesalonika 5:27

Á nà lezíŋ Cʉ̀apʉ̀a, n gɔɔn né pi ngie pi tóŋo yɔɔn ŋwà’ne á mvfò pʉ̀a Ssé métsèm.

Lukase 20:21

Pɔ́ tó ńzɛ́te Yěsô ngie: Tsítsà, peg ne ńzsé ngie ɔ̀ gɔɔn nò, ḿbiŋ ńda’té pɔ́ nò gie á tyé ndʉŋ ndʉŋ, ɔ̀ tè líe pʉ̀a pɔ́ nà shÿó wɔ́, ńda’te nò nénʉ́, pɔ́ pá’ Ssé ne ńzɛ́te ngie mé gÿo pú’u.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.