1 Timote 4:4 - Nouveau Testament en Ngienboum

⁴ Á zɔɔn ńgwɔ gwɔ́, akɔ́ɔkɔ́ɔ gie e Ssé la nyɛte wɔ́ á gwɔ́ pɔ́ mbòŋ. Atsɔ́ gie ńgwɔ́ mé gwá’a mǒ á té wó wɔ́. Tá á ké ńzɛ́te ngie mé gwaa ne jÿó sɛ̌ shúm, ńne sie Ssé.

1 Timote 4:4 Referans Kwoze

Roma 14:20

Tè cʉŋte fà’a Ssé ńtí nò mmó léjÿó. Áa nénʉ́ ngie *lɔ̌’ té pu’ ssé ńgwɔ́ nà tsɔ́ mmó léjÿó wɔ́, tá’ á pÿɔ́gɔ ná nyìŋ lé jÿó tsɔ́ mmó gie pʉ̀a ge gyá é kwɔɔnte mǒ gwe ssé.

1 Korento 10:25

Á gʉa nà nò mbab, mbà pi tóo metʉ̌a ńgyá mbab pi jú, ńkúu mbʉ̀a ḿpfɛ́ té gẅiin tsɔ́ nkwaŋá, té zɛ́te tsɔ́ nò.

Roma 14:14

Mèŋ n ne ńzsé, tá ńdɔgɔ pɔ́ pá’ mèŋ n da nnɛ́ ná Cʉ̀apʉ̀a Yěsô, ńnyɛte ńzsé ngie atsɔ́ mmó té wó gie á pu’ ssé ńgẅiin *lɔ̌’ wɔ́. Tá ńké ńgwɔ́ gie nyìŋ lɔɔn ne ńkwaŋa ngie *lɔ̌’ áa nà tsɔ́ mmó, mbà á ge gwɔ́ nà yé twó à *lɔ̌’ gwɔ́ nà yɛ̌ mmó.

1 Korento 10:23

Tsɔ́ pʉ̀a ée tsetsɛ̀ɛ pi, ńne ńgɔɔn ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌. Áa nò tá’, eshúm ntsèm té kẅéte. Áa nò ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌, tá’ shúm ntsèm sie mé gÿo é té kẅéte pʉ̀a lékẅi’i ńzáb ntʉ́m nà Ssé wɔ́.

Megàŋ ntúm 21:25

Á gʉa nà *lepʉ̌ ŋwɛ́, mbà peg la ŋwe’e ŋwà’ne ńnáa mbwo pʉ̀a Kristo pie é té pà Yuda wɔ́, lélɔg shwóŋó wɔ́b mmó gie peg ka zǎb ngie pɔ́ ne ńgÿo, ńgɔɔn tsoló ngie pɔ́ pɔ́ɔn lépfɛ́ pfwɔ́’ɔ mbab gie mé lɔ̌g ńgwá’ messé, ḿbɔ́ɔn lézẅí’ metse, ḿbiŋ ḿbɔ́ɔn lépfɛ́ mbab nɔ̀ɔn gẅie mé fomé yé fóme, ńgie pɔ́ pɔ́ɔn lépumo wɔ̌wɔɔ pâ pɔ̌ nuŋe nuŋe.

1 Timote 4:3

Pɛ̌ pʉ̀a ne ńzí’i pʉ̀a ngie tà pɔ́ zɔ́’, ńgie tà pɔ́ pfɛ́ tsɔ́ shúm léjÿó, tá mbà Ssé la nyɛte sɛ̌ shúm légwɔ́ gie pʉ̀a pie é záb ntʉ̀m ná yé, ńne ńzsé nò gie áa nénʉ́, ge pi, ésie yé mǒ, é jÿó.

Megàŋ ntúm 15:29

Pi pɔ́ɔn lépfɛ̀ɛ pfwɔ́’ɔ mbab gie mé lɔ̌g ńgwá’ messé. Pi pɔ́ɔn lépfɛ́ mbab nɔ̀ɔn gẅie me fomé yé fóme. Pi pɔ́ɔn lépfɛ́ metse. Pi pɔ́ɔn lépumo wɔ̌wɔ́ɔ pia pɔ̌ nuŋe nuŋe. Pi lɔɔn ńjú’ ncwò weg ná mɔɔn menò ńkú’te, mbà pi gÿǒ mboŋó. Peg mefɛ́ pí, peg tsyɛ’té gẅí.

Megàŋ ntúm 10:15

Piɛ gíŋe ńjú’ ngyè nyìŋ nà mbɔ́ɔntè yépʉ́a, é gɔɔn né yé ngie: Ammó lɔɔn ńgwɔ́ tà Ssé kẅile *lɔ̌’, tè gíŋe ńzse nzse mǒ.

Roma 14:6

Nyìŋ gẅie à gẅiin tyɛ’te ná melyɛ’ɛ́ lá’, à gÿo tyɛ’te pú’u, pɔ́ lélɔg ńgu’te Cʉ̀apʉ̀a. Nyìŋ gẅie à gyá kɔ́ wɔ́ ńgwɔ́ à pfɛ́ yé pfɛ́, à pfɛ́ pú’u, pɔ́ lélɔg ńgu’te Cʉ̀apʉ̀a, á nue à ne ńnáa ndǎg mbwo Ssé mǒ. Nyìŋ gẅie à piŋ tè gyá kɔ̀ɔkɔ́ɔ ḿpfɛ́ pfɛ́ wɔ́, à tè pfɛ́ pú’u, á gwɔ́ pɔ́ lélɔg ńgu’te Cʉ̀apʉ̀a. Á giŋé ńne ńnáa yé ndǎg mbwo Ssé.

1 Korento 10:26

«Ŋwà’ne Ssé gɔɔn ngie: Njÿó tà mbɔɔ shúm tsèm sie ée tsoló zɔɔn ńgwɔ́ pɔ́ mbwo Cʉ̀apʉ̀a».

1 Korento 10:30

Mèŋ n dɔɔn ńgwaa jÿó mmó léjÿó, ńzɔɔn ḿvɔg ńná ndǎg mbwo Ssé, mbà mélà’a kɔ́ nyìŋ ndyɛ̀’ɛ ge tém shʉ́ ná mèŋ tí yɛ̌ mmó tá mbà mèŋ n gwaa jÿó, ńná ndǎg mbwo Ssé?