1 Timote 3:12 - Nouveau Testament en Ngienboum

¹² Á zɛ́te ngie pàfa’ mefà’ tsɛ̀ɛ cú’tè pʉ̀a Kristo gẅiin pɔ́ tà’ tà’ manzwě, ńdíe membʉ̀a mɔ́b mboŋó, tà mbɔɔ penkʉ́ pɔ́b.

1 Timote 3:12 Referans Kwoze

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

1 Timote 3:8

Á gíŋe ńzɛ́te ngie pàfa’ mefà’ tsɛ̀ɛ cú’tè pʉ̀a Kristo gwɔ́ yɔ́b pʉ̀a pie é gẅiin mekù’, ńgwɔ́ pàshwóŋó nò nénʉ́, ńgwɔ́ pʉ̀a pie é té ma’ mbùm yɔb ná melù’ wɔ́, ńké le gwɔ́ pʉ̀a pie é kwoŋ nkáb ńgáte gaté wɔ́.