1 Timote 3:1 - Nouveau Testament en Ngienboum

¹ Anò gie n gee ńgɔɔn áa nénʉ́. Nyìŋ lɔɔn ńne ńtsɔ́ɔn légwɔ́ ndìe cú’tè pʉ̀a Kristo, mbà à tsɔ́ɔn fà’ gie á gẅiin mekù’.

1 Timote 3:1 Referans Kwoze

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

2 Timote 2:11

Menò mie mèŋ n gee ngɔ̌ɔn lɔɔn ée jʉ’ó ńgwɔ́ pú’u. Á lɔɔn ńgwɔ́ gie pege lâ Kristo la púte ńkwé, mbà pege lâ pɔ̌ ge gÿo púte gwɔ́ wó.

1 Timote 4:9

Ashwóŋè yɔɔn áa kwà’ nénʉ́, ńgwɔ́ gie ńgwɔ́ wɔ̌wɔ́ɔ jú’ ńzẅíŋ.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Efeso 4:12

À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò.

Megàŋ ntúm 1:20

Á zɔɔn ńgwaa gwɔ́ mbà mé la ńŋwe’e tsɛ̀ɛ ŋwà’ne me zɔ́bɔ ntse ngie: Á poŋ ndá ye cʉ́’ʉ fòmo ndá Mbɔ́ɔn nyìŋ lelá’ ńgíŋe ńnéŋe tsoló, ńgíŋe ńcʉ́me ngie tsɔ̌ nyìŋ ndyɛ’ɛ jÿó jʉ’ yé.

1 Piɛ 4:15

ḿbɔ́ɔn nyìŋ gẅi légwaa gyá ngɔ́’ á gwɔ́ ngie à zẅě nyìŋ, ngie à jʉ̌, kà pɔ́ ngie à gÿǒ nò tepòŋ wɔ́, kà pɔ́ ngie à gyǎ nò nyìŋ ńkúu mǒ wɔ́.

1 Tesalonika 5:14

Mefɛ́ mefɛ́, peg ne sẅíŋte gẅi ngie pi tÿɔ́gte melóŋ, ńkẅiŋte pʉ̀a pie ntʉ́m wɔ́b nyé ḿvɛɛ vɛ, ńtóonte pʉ̀a pie pɔ́ nyé pɔ́ tè tʉte, ńgẅiin pɔ́ kwɔ́gɔ nnɛ́ nzèm wɔ̌wɔ́ɔ.

Roma 11:13

Anò gie n ge gɔɔn fʉ̀’ɔɔn lɔɔn, n gɔɔn mbwo pi pie pi tè pà Yuda wɔ́. E Ssé la túmo wɔ̀ɔn mbwo pʉ̀a pie é té pà Yuda wɔ́. Atwó fà’ gie Ssé la ńná né mèŋ, mèŋ n néŋ mekù’ mǒ.