1 Timote 2:15 - Nouveau Testament en Ngienboum

¹⁵ Tá’, mèŋ n gɔɔn pá’ɔɔn, manzwě ge lɔg pɔ́ pá’ à gẅiin penkʉ́ tá tsẅɛ́. Tá’, á zɛ́te ngie à ké ńzáb pɔ́ ntʉ́m nà Ssé, ńkwoŋ pʉ̀a mesoŋ, ńgẅiin mbùm yé lê mekù’, ńgÿo mmó gie á poŋ Ssé.

1 Timote 2:15 Referans Kwoze

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Timote 2:9

N giŋé ne ńtsɔ́ɔn ngie pànzwě lɔɔn ńne ńgee lê tsɛ̀ɛ cú’tè pʉ̀a Kristo, pɔ́ ma’ menzsǒ mie ée mbòŋ mbwo pʉ̀a Ssé, é menzsǒ mie é té gwɔ́ pɔ́ tsɔ̌ ntí wɔ́, é mie é gwɔ́ pɔ́ mé pànzwě pie mekù’ ée ná pɔ́b. Tà pɔ́ cʉ́’ʉ lékẅiŋ mbùm yɔb, ńtáŋte menòŋo twó mɔ́b pɔ́ nà tsɔ̌ ntí gie e sẅile sẅile. Kà ńjÿɔ́g pɔ́ shúm sie é cÿɔ́g pɔ́ nkáb tɛ’ wɔ́, tà pɔ́ ma’ menzsǒ lélɔg ńnyɛ pɔ́ nnɛ́.

Lukase 2:7

Á zyé mûɔ letwó we, á gwɔ́ mûɔ mbàŋa, á lɔg shúm nzsǒ ḿbwóte yé, ńnéŋe tsɛ̀ɛ ngwʉ̌ŋ shúm léjÿó menɔ̀ɔn, mbà pɔ́ ně ńzága yɔ́b jʉ’e lela’á tsɛ̀ɛ ndá megʉ̀.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

1 Korento 12:23

Mekèm mbùm nnɛ́ mie mé piŋ tè néŋ mekù’ mǒ mboŋó wɔ́, mé zɔ́bte mɛ̌ tɛ’. Metsɔ́ mie mé zɔɔn tè ńnéŋe ńkím mbɔɔ kǐm wɔ́, pege líe nò náa mǒ tɛ’,