1 Timote 1:7 - Nouveau Testament en Ngienboum

⁷ Pɔ́ ne ńkwoŋo légwɔ́ pà zí’i mbʉ̌ Mǒsê mbwo pʉ̀a. Pɔ́ ne ńgɔɔn nò gie kwà’ pɔ́b té ne ńjú’u wɔ́, ḿbiŋe ne ńdá’te nò gie pɔ́ té ne ńzsé wɔ́ tà ńnéŋe pɔ́ twó.

1 Timote 1:7 Referans Kwoze

Roma 1:22

Pɔ́ tóo sá’a ngie pɔ́ zsé nò, ńcʉ́’ mepʉ̀a.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

1 Timote 6:4

mbà ngàŋ ŋa’te ngie à zsé nò, tá ńké tè ne ńzsé wɔ́. À zsé yé pɔ́ lézoŋo nò, ńgwá fó nà nò gie mé gɔɔn, ńcu’u twó pʉ̀a. Á cʉa pú’u, pʉ̀a zye légẅiin kègɔ́’, ńzye lézoŋo nò, ńzye zoonte, ńzye légyéte mefɛ́ pɔ́b ná nò tepòŋ,

Galatia 3:5

Pú’u la, á poŋ ngie pi gíŋ ńgyá ngie e Ssé ne ńnáa Zẅìge yé né pi, ḿbiŋe ne ńgÿo menò mmɔɔn mmɔɔn tsetsɛ̀ɛ pi. Pi kwǎŋ ngie à gÿo pú’u, mélà’mie pi ne ńgÿo mmó gie *lepʉ̌ ne ńzɛ́te lá? Ngǎŋ à gÿo, pɔ́ mélà’mie pi la jú’ nkʉ̀ mbòŋo ńzáb ntʉ́m gẅi mǒ.

2 Timote 3:7

Wɛ̌ nyìŋ wɔ́ tó, ńzí’i yɛ̌ ntí pànzwě nò, pɔ́ zẅí’te zẅi’té tá ńké tè ku’u lézsé nò gie áa nénʉ́ wɔ́.

Galatia 3:2

N ge zɛ́te gẅi tà’a nò, pi ka lɔg pɔ́ pá’ pi ka ne ńgÿo mmó gie *lepʉ̌ ne ńzɛ́te tá Ssé náa Zẅìge Ndʉalʉ̌a né pi keen? Kà pi ka lɔg pɔ́ pá’ pi jǔ’ Nkʉ̀ Mbòŋo ńzáb ntʉ́m mǒ tá Ssé ná né pi?

Galatia 4:21

Pi pie pi ne ńkwoŋo ngie *lepʉ̌ sá’a gẅí, pi shwóŋó wɔ̀ɔn: Pi tè ne ńjú’u mmó gie *lepʉ̌ ŋwɛ́ gɔɔn wɔ́ ka?

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Megàŋ ntúm 15:1

Etsɔ́ pʉ̀a gÿo fó Jẅidea, ńtóo Antiokia, ńzye lézí’i pʉ̀a Kristo ngie Ssé lɔɔn ńgwɔ́ á légÿo pɔ́ tsẅɛ́ té gwɔ́ gie mé pú’u wɔ́b pá’ *lepʉ̌ Mǒsê ne ńzɛ́te wɔ́.

Matio 21:27

Pɔ́ kwaŋ pú’u, ńcʉ́’ ńtsɔ́’ pɔ́ ngie: Peg kaa zsé. Yěsô gɔɔn né pɔ́b ngie: Mbɔɔ mèŋ yɔ́ɔn n te shwóŋó gẅi nyìŋ gẅie n dɔgɔ lezíŋ sé ńgÿo mɔɔn menò wɔ́.

Lukase 2:46

é gwɔ́ lẅíŋe lyɛ̌’ tá, pɔ́ gyá yé, á *jʉ’ʉ Ssé, á ńnéŋe tsetsɛ̀ɛ *pàkyàgte mbʉ̌ Ssé, ńné ńjú’u menò mie pɔ́ ne ńgɔɔn ḿbiŋ ńgíŋe ně ńzɛ́te wɔ́b tsɔ́.

Ŋwà’ne Jâg 3:1

Mefɛ́ pɔ́ɔn, tà pi metsèm tsɔ́ɔn légwɔ́ pàzí’i pʉ̀a mmó, pi ne ńzsé mboŋó ngie, peg pie peg zí’i pʉ̀a mmó, ntí gie mé ge lá’ lɔg ŋaga wég, e ge lá’ tʉ cʉa ye petsɔ́ pʉ̀a.