1 Timote 1:19 - Nouveau Testament en Ngienboum

¹⁹ Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

1 Timote 1:19 Referans Kwoze

1 Timote 3:9

Á zɛ́te ngie pɔ́ kú’te nò nénʉ́ gie á laa lelyěen, e Ssé nyɛɛ wégè, ńkú’te nà ntí gie mbùm yɔb tè cúa wɔ́b gwɔ́.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

1 Timote 6:9

Tá á ké ńgʉa ná pʉ̀a pie pɔ́ kwoŋo légẅiin shúm tà é gyɔ́ɔn gyɔ̌ɔn, mbà pɔ́ gwe tsɛ̀ɛ nkwà’te. Eshúm tepòŋ sie pɔ́ tsɔ́ɔn, é gwɔ́ sie é cʉŋte nyìŋ cʉŋte, é gwoon wɔ́b pá’ lejÿɔ́’ la. Sɛ̌ shúm tsóte pʉ̀a mesoŋ pɔ́ gwe ssé, ńkúu pyé.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

2 Timote 4:4

Pɔ́ té gÿo ńgíŋe ńzẅí’te nò gie áa nénʉ́ wɔ́, é cʉ́’ zẅí’te pɔ́ menò pú’kwɔb.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

1 Timote 6:21

Tsɔ́ pʉ̀a ka gwaa fʉa mánzsè ńzɔɔn ńgɔɔn pɔ́ ngie pɔ́ zsé tɛ’, pɔ́ piŋ ńcʉ́’ʉ ńzába ntʉ́m nà Ssé wɔ́. Mèŋ n ge cʉ́’ʉ lécʉ́me, ésẅíŋte ngie e Ssé gwɔ́ né pi.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

1 Korento 11:19

Áa nénʉ́ ngie pi gwɔ́ tà fagte menùɔ menùɔ, mé fó mǒ ńgyá pʉ̀a pie pɔ́ té kwoŋo fàgte wɔ́.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.

Matio 6:27

Àwɔ̌ aa ná pi gẅie ńgwɔ́ á seen ńdɔg pɔ́ pá’ à pǔ’ mbùm ye, ńku’u lékẅi’i tà’a lyɛ̌’ nà melyɛ’ɛ́ lá’ mé?

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

2 Timote 2:18

Pɔ́ kéen ńgwá’a mánzsè nò gie áa nénʉ́. Pɔ́ zɔ́gɔ ńgɔɔn ngie e Ssé kéen ńdá’ ńgÿo pege zíme ná legwé. Pɔ́ kéen ńgÿo pú’u, tà tsɔ̌ lelÿò pʉ̀a tè nyé ńgwɔ́ ná mánzsè nò gie áa nénʉ́ wɔ́.