1 Timote 1:17 - Nouveau Testament en Ngienboum

¹⁷ Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

1 Timote 1:17 Referans Kwoze

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

Ŋwà’ne Ngyà jʉ’ 19:1

N gyá sɔɔn shúm tà ńtsẅé jʉ’, ńjú’ tsɔ̌ ngyè tetʉ́ʉ é gwɔ́ pɔ́ pá’ ngyè máamáa nùɔ lá’ la, é gwɔ́ tÿǒ lepwó ńne ńgɔɔn ngie: Alelúyà, letsẅɛ́ ńgÿo legú’ mbɔɔ metʉ̀ ée mbwo Ssé yege,

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Kolosia 1:15

Mé té gyá Ssé wɔ́, tá Miŋ we gẅie mé lǎ gyá yé à gwɔ́ pɔ́ Ssé tà ḿmag. Yé zɔ tyé twó mvfò ná kɔ̀ɔkɔ́ɔ gie e Ssé la pwóon.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.

Roma 1:23

Pɔ́ nyé légu’te Ssé gẅie à gẅiin legú’, ńgwɔ́ tè kwé, ńcʉ́’ ńgu’te pɔ́ shúm sẅɛ̀ɛ, éshúm sie é sẅé nyìŋ mésoŋ gẅie aa ńkwé, ésẅé meshʉ́ŋ, setsɔ́ sẅé menɔ̀ɔn pie é gẅiin mekwò lekùa, setsɔ́ sẅé menɔ̀ɔn pie éshwoŋo lepfòm sɔ́b ssé.

Ŋwà’ne Ngyà jʉ’ 19:6

N jú’ ngyè nùɔ lá’ zẅɛ̂ pá’ lepí sie é zyɛ́’ɛ la, ḿbiŋ ńgwɔ́ pá’ ntʉ̀ lefaŋ sie é vɛ́te la, ńne ńgɔɔn ngie: Alelúyà. Á nue Cʉ̀apʉ̀a Ssé yege, ńgwɔ́ Ngàŋa tʉ̀ ntsèm, á nuŋé lefùɔ sé.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 7:12

ńne ńgɔɔn ngie: *Amen, agù’te, legú’, azse nò, lenǎ ndǎg, lenǎ mekù’, metʉ̀ pâ ngʉ̀’ e gwɔ́ mbwo Ssé nà ngù’ nkɔ́ɔn né nkɔ̌ɔn. *Amen.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

1 Piɛ 5:11

Yé zɔ gẅiin lésá’ njÿó á nà mengù’u mengù’. *Amen

Heber 11:27

Á la fó pɔ́ ná pá’ à la záb ntʉ́m wé nà Ssé, tá fùɔ Egipto tsɛ ne ńgyáŋa lóŋ, á fó wó ńkẅɛ ńgʉa té pɔ́gɔ mmó gie à lɔɔn ńgwɔ́ á gÿo ná ye. Letʉ́m sé e tʉte tʉte, á nue á la gwɔ́ pɔ́ pá’ fʉ̀’ gie à ne ńdɔgɔ nÿɔ́g ńgyá Ssé gẅie ńgwɔ́ nyìŋ á le yé gyá.

Roma 16:27

E Ssé zɔ zsé nó gílé yé. Pege cʉa ná Yěsô Kristo ńgu’te yé nà ngù’ nkɔ́ɔn nê nkɔ̌ɔn. *Amen.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 1:20

Á zɔɔn ńgwaa gwɔ́, mbà tá fó pá’ e Ssé la nyɛ́te njÿó, mé fó nà shúm sie à la nyɛ́te, ńzsé ngie aa Ssé, tà mbɔɔ pá’ mé té gyá yé lê nÿɔ́g wɔ́. Mé zsé metʉ̀ mé mie é téen ńdá’a maga wɔ́. Á cʉa pú’u, ńgwɔ́ pʉ̀a mésoŋ le lá’ ngie pɔ́ la tè ne ńzsé Ssé wɔ́ wɔ́.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Roma 2:10

Á ké ńgʉa nà nyìŋ gẅie à gÿo nò mbòŋo, e Ssé náa legú’ né ye, ńná mékù’ lé ye, ńgíŋ náa yé mbʉ́lè, ńcʉ́’ʉ lé ná, ńzye nà nyìŋ Yuda ḿbɔ́ɔnte, ńnáa mbwo nyìŋ gẅie à tè nyìŋ Yuda wɔ́,

Heber 2:7

Ɔ̀ la gʉa ná pá’ *mecÿɔ́’ Ssé gwɔ́, ésẅé’e yé ńnáa ssé pɔ́ méjʉ’ ńcÿó gʉm yé, ńtɔ’ɔ cÿɔ́’ɔ lefùɔ twó yé, á gie á gÿo á gẅiin legú’.