1 Timote 1:15 - Nouveau Testament en Ngienboum

¹⁵ Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

1 Timote 1:15 Referans Kwoze

Malékuse 2:17

Yěsô jú’, ésaga mbwo pɔ́b ngie: Ńgwɔ́ nyìŋ le gwɔ́ ntentʉ́, ńgʉa fa’a ngÿo meffò wɔ́. Nyìŋ guɔ tá fa’a yé. Mèŋ n ka tè tó pɔ́ létóŋ pʉ̀a pie pɔ́ kwaŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

Ŋwà’ne Jâŋ 12:47

Nyìŋ lɔɔn ńjú’u shwóŋè yɔ́ɔn à tè kú’te, mbà mèŋ n zɔ tè ŋaga yé wɔ́. Á nue n da tè tóo tsɛ̀ɛ njÿó léŋag pʉ̀a wɔ́. N da tó légÿo pʉ̀a tsẅɛ́.

Ŋwà’ne Jâŋ 1:12

Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

Lukase 5:32

Mèŋ n ka tè tó pɔ́ létóŋ pʉ̀a pie pɔ́ kwáŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

1 Korento 15:9

á nue mèŋ n gee tsetsɛ̀ɛ megàŋ ntúm ńgwɔ́ we nkʉ́. N zɔɔn tè ku’u légwɔ́ gie ńgwɔ́ mé tóŋo wɔ̀ɔn lê ngàŋ ntúm wɔ́, á nue n dɔ̌ɔn ńnyɛɛ cú’tè pʉ̀a Ssé ngɔ́’.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Matio 9:13

Áa yɛ̌ tá mèŋ n ne ńgɔɔn né pi ngie: Pi gʉa nzí’i mmó gie yɔ̀ɔn nò gie mé la ŋwe’e lɔgɔ ńgɔɔn: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn». Yɔ̀ɔn aa mmó gie á gÿo, mèŋ n gɔɔn ngie: N ka te tó letóŋ pʉ̀a membóŋo wɔ́, mèŋ n kɔ̌ɔn ńtóo ntí pɔ́ megàŋ mefʉa ngie pɔ́ piŋe mbwó Ssé.

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

1 Timote 4:9

Ashwóŋè yɔɔn áa kwà’ nénʉ́, ńgwɔ́ gie ńgwɔ́ wɔ̌wɔ́ɔ jú’ ńzẅíŋ.

Roma 5:6

Á gwɔ́ pá’ á kaa fʉ̀’ gie pege ka zɔɔn ńnyé pɔ́ pàtè metʉ̀, Kristo tóo nà fʉ̀’ gie e Ssé lá záb, ńkwé nà twó pʉ̀a tepòŋ.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

1 Timote 3:1

Anò gie n gee ńgɔɔn áa nénʉ́. Nyìŋ lɔɔn ńne ńtsɔ́ɔn légwɔ́ ndìe cú’tè pʉ̀a Kristo, mbà à tsɔ́ɔn fà’ gie á gẅiin mekù’.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

2 Timote 2:11

Menò mie mèŋ n gee ngɔ̌ɔn lɔɔn ée jʉ’ó ńgwɔ́ pú’u. Á lɔɔn ńgwɔ́ gie pege lâ Kristo la púte ńkwé, mbà pege lâ pɔ̌ ge gÿo púte gwɔ́ wó.

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Ngyà jʉ’ 21:5

Nyìŋ gẅie à la ńnéŋe nà lʉŋe lefùɔ gíŋe ńgɔɔn ngie: Áa fʉ̀’ɔɔn n ne ńgÿo kɔ̀ɔkɔ́ɔ pɔ́ sẅé sẅé, ḿbɔ́ɔnte ńgɔɔn né mèŋ ngie: Ŋwe’e. Á nue nò yɔɔn té gie à lɔɔn ńgwɔ́ nyìŋ jú’ ḿmʉ́’te wɔ́, áa nénʉ́,

1 Jâŋ 5:11

Ammó gie e Ssé la gɔɔn nà nò Míŋ we, à yɔɔn ńgwɔ́ ngie: Yé Ssé la náa le gwɔ́ tèmì mbwo pege, wɛ̌ le gwɔ́ á fóo ná Míŋ we.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 11:1

Megàŋ ntúm Yěsô, pâ mefɛ́ mefɛ́ pie ée Jẅidea lêen ńjú’ mé ne ńgɔɔn ngie: Pʉ̀a pie é té pà Yuda wɔ́ kéen ńzẅíŋ yɔ́b nò Ssé.

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

Matio 18:11

Á nue *Míŋ Nyìŋ la tó pɔ́ léfa’ pʉ̀a pie pɔ́ la kúu pyé é gÿo pɔ́ tsẅɛ́]