1 Timote 1:10 - Nouveau Testament en Ngienboum

¹⁰ Mé la tÿɔ́g *lepʉ̌ ńtí pʉ̀a pie pɔ́ pumo wɔ̌wɔ́ɔ pâ pɔ̌ nuŋe nuŋe, ńtí mbàŋa gie é nuŋe petsɔ́, ńtí pàtáŋa pu’. Mé la tÿɔ́g *lepʉ̌ ńtí ngàŋa cÿɔ̌ nò, ńtí pàjÿò ńgyá pie é gwɔ́ pɔ́ mengàŋa cÿɔ̌ nò. À la tÿɔ́g *lepʉ̌ ńtí pʉ̀a pie é fa’ shÿó ńgÿo mmó gie á té pumte nà nò nénʉ́ gie mé zí’i wégè wɔ́.

1 Timote 1:10 Referans Kwoze

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

Roma 1:26

Áa mmó gie á la gÿó e Ssé nyé wɔ́b pɔ́ gÿo mmó gie nkwaŋá wɔ́b tyé mǒ tá é gwɔ́ menò mie ée néŋ shʉ́ nà pɔ́b. Mezwě pɔ́b nyé mbàŋa ńcʉ́’ʉ fa’a pɔ́ tsɔ́ pànzwě pâ pɔ̌ nuŋe, yɛ̌ ntí légÿo menò è té ntí gie Ssé la záb wɔ́.

Ŋwà’ne Ngyà jʉ’ 21:27

Tá’ atsɔ́ mmó gie ncÿǒ ée mǒ, á té gÿo tɔ́g tà kúu wó wɔ́. Tà mbɔɔ sɔɔn nyìŋ á ná pàgÿo menò ncÿǒ, mbɔɔ nà megàŋa cÿɔ̌ nò. Ndà’ pʉ̀a pie mezíŋ mɔ́b ée tsɛ̀ɛ ŋwà’ne Mûɔ *Njʉ̀njÿò gie lezíŋ pʉ̀a pie pɔ́ gẅiin le gwɔ́ tèmì ée tsoló, ge lá’ kúu wó.

1 Timote 6:3

Nyìŋ lɔɔn ńzí’i pʉ̀a nò ndyɛ̀’ɛ ńdɔgɔ ńgwá’a shwóŋè nénʉ́ gie á fóo mbwo Cʉ̀apʉ̀a wege Yěsô Kristo, mbɔɔ mmó gie pege zí’i pʉ̀a, pɔ́ fóo mǒ ńzába ntʉ́m ná yé,

Jẅide 1:7

pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.

2 Timote 1:13

Timoté, ne ńkímte shwóŋè nénʉ́ gie ɔ̀ la jú’u ncwò mèŋ, ńne ḿbíi fʉ̀’ mǒ, ńzí’i pʉ̀a pú’u. Záb ntʉ́m gú pɔ́ nà Ssé, ńne ńkwoŋo yé pá’ peg pie peg la la nnɛ́ ná Yěsô Kristo peg gÿo pú’u.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Titus 1:13

Anò gie à la gɔɔn lɔɔn, áa nò nénʉ́. Áa yɛ̌ tá á ne ńzɛ́te ngie ɔ̀ gɔɔn nò ne pɔ́b té kú shʉ́, ńzsé ngie pɔ́ ge jú’ pɔ́ nò Ssé gie mé zí’i,

Ŋwà’ne Ngyà jʉ’ 18:13

Ammó pá’ tsɔ̌ ntí shúm nná’ pá’ gie mé tóŋo lé kanɛl mbɔɔ laméndɔɔn ntí ntí, lê lìi lâ tsɔ́ shúm sie mé tuɔ, lê melù’, lê mèvɛ, lê faline ntí ntí, lê mefòŋ, lê *menjʉ̀njÿò, lê melÿóon lâ mekélêg, lâ pu’ ye ńjú jǔ mbɔɔ ye ncù.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.