1 Piɛ 5:7 - Nouveau Testament en Ngienboum

⁷ Pi pú ńnéŋe kɔ̀ɔkɔ́ɔ gie á ne ńcʉa gẅí, á nà mbwo Ssé, ńtí nue à ne ńdíe gẅí.

1 Piɛ 5:7 Referans Kwoze

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

Lukase 12:22

Yěsô gíŋe ńgɔɔn mbwo *ngàŋa kwò yé gie: N dɔgɔ shwóŋó gẅi ngie tà pi ńnéŋe ḿbú’u mbùm gí nà nò mmó léjÿó ngie: Peg ge pfɛ́ɛ kɔ́? Tà pi pú’ mbùm gi nà nò nzsǒ ngie: Peg ge ma’a kɔ́?

Malékuse 4:38

Yěsô gwɔ́ nzèm, ńjʉ́’ʉ nà mmó ńně ńdyé, *ngàŋa kwò yé gwɔ́ zyeen yé ńgɔɔn ngie: Andè, tsye ɔ̀ tè ne ńgyá pá’ pege gee ńkwé lɔɔn wɔ́ kà?

Ŋwà’ne Jâŋ 10:13

Wɛ̌ nyìŋ gwá’a *menjʉ̀njÿò ńkÿo, mélà’mie à ka tǒ pɔ́ ńdab nkáb. Ncʉ̀ŋ *menjʉ̀njÿò té ne ńkúu yé wɔ́.

Matio 6:27

Àwɔ̌ aa ná pi gẅie ńgwɔ́ á seen ńdɔg pɔ́ pá’ à pǔ’ mbùm ye, ńku’u lékẅi’i tà’a lyɛ̌’ nà melyɛ’ɛ́ lá’ mé?

Matio 6:28

Tà pi pú’u mbùm gí nà nò menzsǒ mélà’a kɔ́? Pi líe metôtǒ mie ee nà legǐ nká’ ńgyá. Legǐ aa ntě fa’a fà’ wɔ́, ńké tě ḿbá’a menzsǒ wɔ́.

Matio 6:31

Tà pi gíŋe ḿbú’ mbùm gi, ńgɔɔn ngie mé ge pfɛ́ɛ kɔ́? Mé ge lɔg ntse nzɔ̌ é núu? Mé ge lɔg nzsǒ nzɔ̌ é ma’a?

Lukase 12:26

Tà á lɔɔn ńgwɔ́ gie pi fó tè ku’u légÿo pú’u wɔ́, pi piŋ ḿbú’ mbùm gi ná setsɔ́ shúm mélà’a kɔ́?