1 Piɛ 4:8 - Nouveau Testament en Ngienboum

⁸ Andùŋ mvfò mmó gie pi ge gÿo, aa gẅi légẅiin nkwòŋe tsetsɛ̀ɛ pi, mélà’mie nkwòŋe pyaga lelÿò menò tepòŋ.

1 Piɛ 4:8 Referans Kwoze

Kolosia 3:14

Anò gie á cʉa mɔɔn menò ntsèm, aa pi légẅiin nkwòŋe tsetsɛ̀ɛ pi. Nkwòŋe ee nkenkÿo gẅie é ge kwɛ́ɛ gẅi lɔg gÿo tà’ leka’á pá’ á ne ńzɛ́te ngie pi temte pú’u.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

Ŋwà’ne Jâg 5:20

mbà nyìŋ gẅie à tÿɔgté yé tà á fóo ná mánzsè tepòŋ ńkẅɛ, ge gÿo à tsẅɛ́. À cʉa pú’u, e Ssé lege menò tepòŋ tà ńgyɔ́ɔn.

1 Korento 13:1

N dɔɔn ńzsé léshwóŋó meshwóŋè mie mé shwóŋó tsɛ̀ɛ mengwòŋ ntsèm tà mbɔɔ mie *mecÿɔ́’ Ssé shwóŋó, tá ḿbiŋ tè kwoŋo nyìŋ mesoŋ wɔ́, mbà mèŋ m bege pɔ́ jʉ’ pá’ mmó tʉ̌ gie mé pǔ’, mbɔɔ pá’ kẅì’ fùɔ gẅie à zẅɛ zẅɛ.

1 Tesalonika 3:12

Peg giŋé ne ńdúɔ ngie Cʉ̀apʉ̀a gÿo nkwòŋe gie pi gẅiin tsetsɛ̀ɛ pi, mbɔɔ gie pi gẅiin ná petsɔ́ pʉ̀a mesoŋ metsèm, e kẅi’i kẅi’i, ńgie à gÿo e gwɔ́ pá’ gie peg gẅiin ná pi,

Heber 13:1

Pi kẅi’i ńgẅiin nkwòŋe tsetsɛ̀ɛ pi, pá’ á ne ńzɛ́te ngie pʉ̀a Kristo gÿo pú’u, tsetsɛ̀ɛ pɔ́b.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

3 Jâŋ 1:2

Ashǔ wɔ̀ɔn we tʉ̀ nzẅìŋ, mèŋ n ne ńtsɔ́ɔn ngie ɔ̀ jú’ mboŋó nà kɔ̀ɔkɔ́ɔ, esoŋ nnɛ́ gú tʉte pá’ ɔ̀ ne ńtʉte ná nò Kristo lɛ.

Ŋwà’ne Jâg 5:12

Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

1 Korento 13:4

Nyìŋ gẅie à kwoŋo nyìŋ mesoŋ, à gẅiin kwɔgɔ nnɛ́, à kẅete pʉ̀a, à tè gẅiin kègɔ́’ wɔ́, à tè nyɛ nnɛ́ wɔ́, à tè ŋá’te,