1 Piɛ 4:17 - Nouveau Testament en Ngienboum

¹⁷ Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?

1 Piɛ 4:17 Referans Kwoze

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

Roma 2:9

Ngʉ̀ngʉ̀ ge lá’ kúu wɔ̌wɔ́ɔ nyìŋ mésoŋ wɔ́ gẅie à gÿo nò tepòŋ tà à tswág tsɔ̌. Pú’u é zye nà nyìŋ Yuda é pɔ́ɔnté kúu nà nyìŋ gẅie à tè nyìŋ Yuda wɔ́.

Lukase 23:31

É tsɔ́ɔn lékwé pú’u, á nue mé lɔɔn ńgÿo pá’ɔɔn nà tÿǒ gie á ne ńzéme ntɔ̌ɔn, mbà mé ge tó kúu nà tÿǒ gie á té ne ńzéme ntɔ̌ɔn wɔ́ é gÿo lêkɔ́?

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.

Heber 2:2

pege ne ńzsé ngie, nò gie *mecÿɔ́’ Ssé la lɔg ńtó fʉ̀’e mvfò, á la tè méjʉ’ʉ nò wɔ́. Wɔ̌wɔ́ɔ gẅie à lɔ̌ɔn fʉa yɛ̌ nò, ńtʉʉ twó mǒ, e Ssé lɔ̌ɔn ńnéŋe ngʉ̀ngʉ̀ ná ye pɔ́ ná pá’ á ne ńzɛ́te.

Galatia 5:7

Pi ka ne ńgee lê mvfò kwà’ mboŋó, awɔ̌ tɔ́’ɔ gẅi légíŋe ńjú’u nò gie áa nénʉ́ ńtÿɔ́gɔ kwò mǒ?

Heber 11:8

Á la fó pɔ́ ná pá’ Ábalam la záb ntʉ́m wé nà Ssé, tá e Ssé tóŋo yé á jú’ ncwò wé, ńgʉa lê tsɛ̀ɛ tsɔ́ ngwòŋ gẅie e lɔ́ɔn ńge gÿo cʉ́’ gwɔ́ pɔ́ we, ńdu ssé ńgʉa té zsé jʉ’ gie à gee tà kúu wó.

Galatia 3:1

Pi pʉ̀a Galatia, tsye legyè sí pyě ka? À wɔ̌ ka lɔg lekàŋ ḿbue gẅi pɛ́’ɛ̀? Tá, mbà mé ka nyɛte shwóŋó gẅi nò nà legwé Yěsô Kristo tà á gwɔ́ pá’ fʉ̀’ gie pi lɔ̌g nÿɔ́g mí ńgyá yé nà tÿǒ nkǐ la.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.