1 Piɛ 4:15 - Nouveau Testament en Ngienboum

¹⁵ ḿbɔ́ɔn nyìŋ gẅi légwaa gyá ngɔ́’ á gwɔ́ ngie à zẅě nyìŋ, ngie à jʉ̌, kà pɔ́ ngie à gÿǒ nò tepòŋ wɔ́, kà pɔ́ ngie à gyǎ nò nyìŋ ńkúu mǒ wɔ́.

1 Piɛ 4:15 Referans Kwoze

2 Tesalonika 3:11

Peg piŋ ne ńjú’u, mé gɔɔn ngie é tsɔ́ pʉ̀a ée tsetsɛ̀ɛ pi ḿbɔ́gɔ fà’ pɔ̌g, ńgwá shwóŋó pɔ́ menò mie é té ne ńdíe wɔ́b gwɔ́.

1 Tesalonika 4:11

Pi kag tʉ̀, ńnéŋe té cÿɔ́g tsetsɛ̀ɛ pi, nyìŋ gẅi gɔɔn nò pɔ́ nà nò gie á ne ńdíe yé. Pi lɔg ntóŋ mbwó mí éfa’ tá ńjÿó pá’ peg la gɔɔn ngie pi gÿo la,

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

1 Piɛ 3:17

Mvfò aa nyìŋ légwɔ gyá ngɔ́’ ńne ńgÿo pɔ́ nò mbòŋo pá’ Ssé lɔɔn ńkwoŋ ngie à gwɔ́ pú’u, ńcʉa pá’ ńgwɔ́ nyìŋ gwaa gyá ngɔ́’ ńne ńgÿo nò tepòŋ.

2 Timote 2:9

Mèŋ n gyá ngɔ́’ tà mé lɔgɔ metsɛ̂n ńkwɛ́ɛ wɔ̀ɔn pá’ fʉ̀’ gie mèŋ n gee nyìŋ tepòŋ la pá’ɔɔn ńtí pɔ́ nkʉ̀ mbòŋo ŋwɛ́. Tá’ mé kaa shwóŋè Ssé kwɛ́ɛ.

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

1 Piɛ 3:14

Pi ke fó lyɛ̌’ ńgwɔ gyá ngɔ́’, á gwɔ́ nue pi ne ńgÿo mmó gie áa ndʉŋ ndʉŋ mvfò Ssé, mbà pi ee pà shÿó mbòŋo. Tà pi mɔ́ɔn tà ḿbɔ́g pʉ̀a mesoŋ. Tà ntʉ́m nyìŋ gẅi mɔ́ɔn tà ḿvɛ.