1 Piɛ 3:5 - Nouveau Testament en Ngienboum

⁵ Yɛ̌ zɔɔ ńtí gie pánzwě pe fʉ̀’é mvfò pie pɔ́ lɔ́ɔn ḿbɔ́gɔ Ssé, ńnéŋe ne ńzẅí’te mmó gie Ssé la ka’, lɔ́ɔn ńkẅiŋe mbùm yɔ́b pú’u, ńne sẅí’i mbùm yɔ́b ńnáa ssé á mvfò melúm pɔ́b,

1 Piɛ 3:5 Referans Kwoze

1 Timote 5:5

Ampfɔ̌g gẅie nyìŋ tè nzèm yé wɔ́, á gwɔ́ pɔ́ gílé yé, à ńnéŋe yé ńdíe mánzsè ńzẅí’te pɔ́ Ssé, ńne sẅíŋte yé zsó pɔ́ tsẅɛ́’ té kʉ́a, ngie à kẅéte yé.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Timote 2:15

Tá’, mèŋ n gɔɔn pá’ɔɔn, manzwě ge lɔg pɔ́ pá’ à gẅiin penkʉ́ tá tsẅɛ́. Tá’, á zɛ́te ngie à ké ńzáb pɔ́ ntʉ́m nà Ssé, ńkwoŋ pʉ̀a mesoŋ, ńgẅiin mbùm yé lê mekù’, ńgÿo mmó gie á poŋ Ssé.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Lukase 2:37

A la cʉ́’ʉ mpfɔ̌g pú’u, ńké těen ńtsó *jʉ’ʉ Ssé wɔ́, ńnéŋe *ńkwoŋo kwoŋ ńnéŋe nzyè, ésẅíŋte Ssé, ńtsẅé ńgu’te yé fʉ̀’e zsǒ pɔ́ lêtsẅɛ́’, ńdá’ ńgẅiin ngù’ ntsɔ̀b lekùa lê móm lefɔ̌ɔn,

Heber 11:11

Á la fó pɔ́ ná pá’ Sara la záb ntʉ́m wé nà Ssé yé, á tsɛ ńcʉ́’ ńgwɔ́ pɔ́ ndÿò tɛ’ tá’, e Ssé ké ńgÿo yé gẅie à laa zyé shwoŋ, ńzyé múɔ á nue à la ne ńkwa’a ńzsé ngie e Ssé ka’a mmó mbwo nyìŋ ndà’ ńná.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

Megàŋ ntúm 1:14

Pɔ́b métsèm lɔ́ɔn ńdɔgɔ tà’a zẅìge ésẅíŋte Ssé té tsó, pâ Malîɛ má pà Yěsô, ńgÿo petsɔ́ pànzwě mbɔɔ mefɛ́ Yěsô.

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,