1 Piɛ 3:2 - Nouveau Testament en Ngienboum

² Mbà pɔ́ gyǎ kwò legìŋ gí gie *lɔ̌’ té mǒ wɔ́, á piŋ ńgẅiin mekù’.

1 Piɛ 3:2 Referans Kwoze

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 1:15

Pi gwɔ́ pɔ́ Ndʉalʉ̌a nà kwò legìŋ gí ntsèm, ndʉŋ ndʉŋ pá’ Ssé gẅie à ka tóŋo gẅi aa Ndʉalʉ̌a la.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

2 Piɛ 3:11

Pá’ shúm asɛ̌ ge gÿo pú mag lɔɔn, á lɔgɔ shwóŋó gẅi ntí gie á póŋ ngie pi ńnéŋe pú’u. Á ne ńzɛ́te ngie pi ńnéŋe pɔ́ nà ntí gie Ssé ne ńkwoŋo, ńzsé pɔ́ ndà’ yé,

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

Kolosia 3:22

Pi menkwɔɔn pi jú’ ncwò pʉ̀a pie é gẅiin gẅi ndùmo ssé tsetsá’, á nà kɔ̀ɔkɔ́ɔ. Pi pɔ́ɔn léfa’a fà’ pɔ́ ndà’ fʉ̀’ gie pɔ́ tyé nzèm pi pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ nê ngwòŋ ntʉ́m gẅi ntsèm ńtí pá’ pi ne ńnáa mekù’ Cʉ̀apʉ̀a.

Filipo 3:20

Á gʉa ná pege, mbà wégè ngwòŋ gwɔ́ pɔ́ tÿǒ lepwó. Pege ne ńzẅí’te ngie Cʉ̀apʉ̀a Yěsô Kristo fó wó ńtó, à gyô pege tsẅɛ̂.

Efeso 6:5

Ńgʉa ná pi menkwɔɔn, pi jú’ ncwò pʉ̀a pie pɔ́ gẅiin gẅí, ńne náa mekù’ mɔ́b, ésẅí’i mbùm gí ńnáa ssé mvfò pɔ́b, ńgẅiin ntʉ́m mbòŋo nzèm pɔ́b, ndʉŋ ndʉŋ pá’ pi jú’u ncwò Kristo.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Piɛ 3:1

Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.

1 Piɛ 3:3

Pi pɔ́ɔn lékẅiŋ mbùm gi pɔ́ nzème pǐ, pá’ lenyɛte ḿbá’a twó gí, ńjÿɔ́g mekwáŋ mie mé lɔgɔ gɔ̂l ńnyɛ́te, ḿma’a menzsǒ mbòŋo.