1 Piɛ 2:16 - Nouveau Testament en Ngienboum

¹⁶ Pi lɔgɔ mà gẅi ńgwɔ́ pá’ pʉ̀a pie mé ka kẅile wɔ́b ndá nkwɔɔn. Tá’, tà wɛ̌ légwɔ́ ké ńcʉ́’ʉ mbwo pi ńgwɔ́ nkǔɔ gie pi ge lɔg lÿoon menò tepòŋ. Pi lɔgɔ mà gẅi ńgwɔ́ pɔ́ menkwɔɔn pe yé Ssé.

1 Piɛ 2:16 Referans Kwoze

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

1 Korento 7:22

Pi zsé ngie nyìŋ gẅie Cʉ̀apʉ̀a ka gwaa tóŋo yé, á gwɔ́ nkwɔɔn, à kẅɛ̌ ndá nkwɔɔn nò tepòŋ, ńcʉ́’ ńgwɔ́ pɔ́ nyìŋ Cʉ̀apʉ̀a. Á giŋ ńgwɔ́ pɔ́ ndʉŋ ndʉŋ ná nyìŋ gẅie mé ka gwaa tóŋo yé á gwɔ́ ndù nnɛ́, angàŋ kéen ńcʉ́’ nkwɔɔn Kristo, ńdɔgɔ ńgwɔ́ yé nyìŋ Kristo

Roma 6:18

á nue e Ssé kéen ńkyɛ́’ nkÿo nò tepòŋ ná pi, pi ee fʉ̀’ɔɔn ńcʉ́’ nkwɔɔn nò gie áa ndʉŋ ndʉŋ.

Galatia 5:1

Kristo la zá’ nkÿo pu’ lóŋ pege légwɔ́ gie pege ge gwɔ́ pʉ̀a pie é kwǎ’ ńtsẅɛ́ nkwɔɔn *lepʉ̌. Pú’u la, pi kú’te wɛ̌ légwɔ́ mboŋó, ḿbɔ́ɔn légíŋe ńzẅíŋ atsɔ́ mmó gíŋe ńdɔgɔ gẅi ńgÿo menkwɔɔn.

Ŋwà’ne Jâg 1:25

Tá nyìŋ gẅie à nyɛte ńtuu nò á ná *lepʉ̌ sie tsɔ́ mmó té mǒ zág, ésie é gÿo nyìŋ gwɔ́ ndù nnɛ́, ńzáb ntʉ́m wé mǒ té kʉ́a tà à tè gwɔ́ pɔ́ jù’u ńdege wɔ́, ńgwɔ́ jù’u ńgÿo, mbà à ge gwɔ́ shÿó mbòŋo ná kɔ̀ɔkɔ́ɔ gie à gÿo.

Ŋwà’ne Jâg 2:12

Pi gwaa ne gɔɔn nò, ńne ńgÿo pá’ pʉ̀a pie mé ge lá’ lɔg *lepʉ̌ sie é gÿo mé cʉ́’ʉ pà ndù nnɛ́ e lɔg ŋaga wɔ́b.

Efeso 6:6

Pi pɔ́ɔn légÿo pú’u, pɔ́ ndà’ fʉ̀’ gie pɔ́ tyé nzèm pi. Pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ pɔ́ pá’ menkwɔɔn Kristo pie pɔ́ ne gÿo mmó gie Ssé ne ńkwoŋo lê ngwòŋ ntʉ́m wɔ́b ntsèm.

2 Piɛ 2:19

ńgíŋ ne shwóŋó wɔ́b ngie pɔ́ ge gÿo pɔ́ le gíŋe ńgwɔ́ menkwɔɔn wɔ́, tá kwà’ pɔ́b yɔ́b gwɔ́ menkwɔɔn mbwo shúm sie pɔ́ tsɔ́ɔn, é piŋ ńne ḿbyága wɔ́b. Ammó lɔɔn ńzɔɔn ńjÿó ntʉ́m nyìŋ, à ngàŋ cʉ́’ ńgwɔ́ pɔ́ kwɔɔn mbwo yɛ̌ mmó.

Kolosia 3:24

Tà pi lege ngie Cʉ̀apʉ̀a Kristo zɔ ge lá’ tsɔ́’ɔ fà’a gí, é gʉa ná shúm sé, é náa gí, á nue yé zɔɔ kwà’ nyìŋ gẅie pi fa’a mbwo ye.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

1 Tesalonika 2:5

Pi ne ńzsé mboŋó ngie peg laa shwóŋó shwóŋè lʉte wɔ́, ńké tè gɔɔn nò gie peg lɔgɔ ńtsɔ́ɔn pì gie á ge kúu pɔ̀ɔn peg wɔ́. Tà Ssé ne ńzsé.

Ŋwà’ne Jâŋ 15:22

Mèŋ n daa pé’e, n tè tó, n daa pé’e pega pɔ̌ té shwóŋe, mbà tsɔ́ menò tepòŋ té ná pɔ́b wɔ́. Tá’ á ké ńgwɔ́ fʉ̀’ɔɔn pá’ɔɔn atsɔ́ nò gie aa ńgwɔ́ pɔ́ gɔɔn ńtí menò tepòŋ mɔ́b té wó wɔ́.