1 Piɛ 2:15 - Nouveau Testament en Ngienboum

¹⁵ Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 2:15 Referans Kwoze

1 Piɛ 3:17

Mvfò aa nyìŋ légwɔ gyá ngɔ́’ ńne ńgÿo pɔ́ nò mbòŋo pá’ Ssé lɔɔn ńkwoŋ ngie à gwɔ́ pú’u, ńcʉa pá’ ńgwɔ́ nyìŋ gwaa gyá ngɔ́’ ńne ńgÿo nò tepòŋ.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

Matio 7:26

Tá nyìŋ gẅie à ju’ú shwóŋò yɔ́ɔn, à tè gÿo pá’ n gɔ̌ɔn wɔ́, mbà ngàŋ gwá’a gʉ̀gʉ̀ nyìŋ gẅie à la kwɛ́ ndá yé té túŋo cÿó.

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

1 Tesalonika 4:3

Ammó gie e Ssé ne ńkwoŋo á gwɔ́ pɔ́ ngie pi gwɔ́ ndʉalʉ̌a, tà mbàŋa fa’ pànzwě, tà pànzwě fa’ mbàŋa,

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

Roma 1:21

Pɔ́ zsé Ssé, tá pɔ́ té gu’te yé, ésíe yé pá’ á ne ńzɛ́te ngie mé gÿo pú’u, nà Ssé wɔ́. Tà ńcʉ́’ pú’u, mbà legyè sɔ́b la fʉte wɔ́b pɔ́ fʉa mánzsè, ntʉ́m wɔ́b gẅie é gẅiin pɔ́ gʉ̀gʉ̀ nzsenò gÿo pɔ́ gwé tsɛ̀ɛ nzěm.

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Galatia 3:1

Pi pʉ̀a Galatia, tsye legyè sí pyě ka? À wɔ̌ ka lɔg lekàŋ ḿbue gẅi pɛ́’ɛ̀? Tá, mbà mé ka nyɛte shwóŋó gẅi nò nà legwé Yěsô Kristo tà á gwɔ́ pá’ fʉ̀’ gie pi lɔ̌g nÿɔ́g mí ńgyá yé nà tÿǒ nkǐ la.

Matio 25:2

Epe métʉ̀a gwɔ́ tsetsɛ̀ɛ pɔ́b pɔ́ té legye gẅiin, epe metʉ̀a gẅiin legye.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.