1 Piɛ 2:10 - Nouveau Testament en Ngienboum

¹⁰ Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

1 Piɛ 2:10 Referans Kwoze

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

Roma 10:19

Pú’u n gíŋe ńzɛ́te ngie: Pà Yuda ée pá’ɔɔn, mbà pɔ́ la jú’u yɔɔn nò pɔ́ té liŋ keen? Pɔ́ la liŋ tá ńdʉ’ lʉ’. Á gwɔ́ pá’ Mǒsê la ŋwe’e ngie e Ssé gɔ̌ɔn né pà Yuda ngie: Mèŋ n ge gÿo gÿo lóŋ gẅi kwɔ́’ Ńtí pʉ̀a lá’ pie mèŋ n tè lɔgɔ wɔ́b ńtóŋo tsɔ́ mmó wɔ́ Mèŋ n ge lá’ gÿo nò gyáŋa gẅí Ńtí pà túm pie pi gɔɔn ngie legyè sɔ́b té wó wɔ́

1 Korento 7:25

Á gʉa ná pʉ̀a pie pɔ́ kaa zɔ́’ɔ, mbà Cʉ̀apʉ̀a ka tè tsẅii nò gie mèŋ n ge gɔɔn né pɔ́b wɔ́. Tá’, mèŋ n ge gɔɔn pá’ mèŋ n ne ńkwaŋa yɔ́ɔn nà nò yɔ́b, ńdɔgɔ pá’ n gee nyìŋ gẅie Cʉ̀apʉ̀a la tsɔ́ɔn mezìŋe mɔ́ɔn, ńdɔgɔ wɔ̀ɔn ńgÿo nyìŋ gẅie ńgwɔ́ á gɔɔn nò mé jú’.

Roma 11:30

Á laa tsɔ́ fʉ̀’ pi pie pi tè pà Yuda wɔ́, pi tʉʉ twó mbwo Ssé, tá á ké ńgwɔ́ fʉ̀’ɔɔn, mbà Ssé ka tsɔ́ɔn mezìŋe mí, mélà’mie pà Yuda ka tʉʉ twó mbwo yé.