1 Piɛ 1:13 - Nouveau Testament en Ngienboum

¹³ Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 1:13 Referans Kwoze

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Lukase 12:35

Pi cwoŋte mbùm gi, ńdyɛ melâm, ńtÿɔ́gte!

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Efeso 6:14

Pú’u la, tà pi ŋele. Anò nénʉ́ gwɔ́ kwɔb gẅie pi lɔ̌g ńtʉ́me zẅɛ̌’ gí, ammó gie á tyé ndʉŋ ndʉŋ gwɔ́ nzsǒ ncù gie pi ge ma’a ná pi.

1 Korento 1:7

tà áa fʉ̀’ɔɔn ńgwɔ́ mbwo pi pie pi ne ńzẅí’te fʉ̀’ gie Cʉ̀apʉ̀a wege Yěsô Kristo ge kẅɛ, atsɔ́ fù’ gie á fóo mbwo Ssé, tà pi nyé ne ḿmoŋe á té wó wɔ́.

Lukase 17:30

Pi gyá nò gie á ge lá’ gíŋe gÿo pʉ̀a, á nà lyɛ̌’ gie *Míŋ Nyìŋ ge lá’ vege vege tó.

Heber 10:35

Pú’u la, tà pi kʉ́a lézáb ntʉ́m nà Ssé, á nue máamáa ntsɔ’ɔ́ fà’ aa mǒ.

Heber 6:19

Legwɔ́ gẅie pege ne ńzẅí’te mmó pɔ́ mbwo Ssé gÿo ntʉ́m wégè pʉ́le ńnéŋe té vɛ. Pege ne ńkwa’a ńzsé ngie pege ge lá’ shúu sẅɛ́, é kúu jʉ’ gie e Ssé ee wó.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

2 Timote 4:5

Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

1 Korento 13:13

Pege lɔgɔ pá’ɔɔn ńgyá ngie eshúm sie é ge lá’a gwɔ́ pɔ́ wó ée sétá: Wɔɔn aa lezǎb ntʉ́m nà Ssé, wɔɔn gwɔ́ léńnéŋe ńně ńzẅí’te mmó mbwo Ssé, ńgÿo lékwoŋo nyìŋ mesoŋ. Tá’, atwó ye lÿò nà shúm sɔɔn sétá à gwɔ́ pɔ́ lekwoŋo nyìŋ mesoŋ.

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

Lukase 17:8

Né ngie à ge gɔɔn né yé pɔ́ ngie: Kúbe menzsǒ, ńcwoŋte shúm léjÿó sɔ́ɔn ńtÿɔ́g né mèŋ, ńzẅí’te mèŋ m pfɛ́, ńnú melù’ tá ɔ̀ lêen ńké ḿpfɛ́ shú shúm ḿbiŋ ńnú mú melù’ lá?

Roma 8:19

Akɔ́ɔkɔ́ɔ gie Ssé la nyɛte zɔɔn ḿbú ne ńzẅí’te tɛ’ légyá fʉ̀’ gie e Ssé ge gÿo mé gyá legú’ púɔ pé.

Kolosia 3:4

Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.

1 Piɛ 1:10

Pà *ntsẅì nkʉ̀ Ssé la gɔɔn nò na ńtí gie Ssé la nyɛ́te ńzáb pá’ à ge lá’ cÿó gʉm gí pú’u, pɔ́ la fa’, ńtúŋte ńzɛ́te pá’ á ge lá’ cʉa pú’u, tá Ssé gÿo pʉ̀a tsẅɛ́.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

Matio 20:4

Á gɔɔn né pɔ́b ngie: Pi gʉa gí nká’ mèŋ fa’a fà’. Mèŋ n ge gÿo lʉŋte gẅi ntsɔ’ɔ́ fà’ ná fà’a gí.