1 Piɛ 1:10 - Nouveau Testament en Ngienboum

¹⁰ Pà *ntsẅì nkʉ̀ Ssé la gɔɔn nò na ńtí gie Ssé la nyɛ́te ńzáb pá’ à ge lá’ cÿó gʉm gí pú’u, pɔ́ la fa’, ńtúŋte ńzɛ́te pá’ á ge lá’ cʉa pú’u, tá Ssé gÿo pʉ̀a tsẅɛ́.

1 Piɛ 1:10 Referans Kwoze

Matio 13:17

Tà mèŋ n ké shwóŋó gẅí, kwà’ nénʉ́, pà*ntsẅì nkʉ̀ Ssé tà ńgyɔ́ɔn, mbàa pàkú’te *lepʉ̌ la tsɔ́ɔn légyá menò mie pi gyá lɛ̂ tɛ’, pɔ́ té gyá, ńtsɔ́ɔn lé jú’ menò mie pi jú’u lɛ̂, pɔ́ té jú’

Lukase 10:24

Tà mèŋ n ké shwóŋó gẅí, lélÿo *pàntsẅì nkʉ̀ Ssé, mbàa mefùɔ lǎ tsɔ́ɔn légyá menò mie pi gyá lɛ̀ tɛ’, pɔ́ té gyá, ńtsɔ́ɔn lé jú’ menò mie pi ne ńjú’u lɛ̀, pɔ́ té jú’.

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Heber 11:13

Pɔ́b metsèm la gwaa kwéte ńne ńzába ntʉ́m wɔ́b pɔ́ nà Ssé, ńké nyé pɔ́ tè gẅiin mmó gie e Ssé la ka’a mbwo pɔ́b. Tá pɔ́ la ké ńtyé ńgyá pá’ á nyé ngʉ̀a shʉ̀shʉ̀a, anò poŋo wɔ́b tɛ’, pɔ́ shʉa shʉa ńgɔɔn ngie pɔ́ ée ndùmo ssé tsetsá’ ńgwɔ́ pɔ́ megʉ̀, ḿbiŋ ńgwɔ́ pɔ́ legúɔ.

Megàŋ ntúm 10:43

Yé zɔ zɔɔn ńgwɔ́ nyìŋ gẅie pà *ntsẅì nkʉ̀ Ssé metsèm lɔ́ɔn ńda’te, pá’ pɔ́ la ne ńgɔɔn ngie: Awɔ̌wɔ́ɔ gẅie à zǎb ntʉ́m wé ná yé wɔ́, e Ssé ge lege menò tepòŋ ngàŋ é náa mbwó yé, é tí yé.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Matio 26:24

*Míŋ Nyìŋ ge kwé, à gwɔ́ pá’ mé la gɔɔn tsɛ̀ɛ ŋwà’ne Ssé, tá’, àndù té poŋ aa nyìŋ gẅie à sẅiŋé yé. Mbòŋo laa pá’ mé lɔɔn tè zyé yé wɔ́.

1 Piɛ 1:11

Pɔ́ la kag tʉ̀ lézsé fʉ̀’ʉ njÿó, mbɔɔ mmó gie á ge lá’ cʉa tá mmó gie Zẅìge Kristo la ne ńda’te wɔ́b à gÿo. Yɛ̌ Zẅìge gie á laa ná pɔ́b, la zɔɔn ńtʉ́ njÿó ńne ńda’te wɔ́b ngʉ̀ngʉ̀ gie Kristo ge gÿo gyá tà mbɔɔ legú’ gẅie à ge lá’ pɔ́ɔnte ngʉ̀ngʉ̀ ye ŋwɛ́.

Megàŋ ntúm 17:11

Pà Yuda pie ée nà yɛ̌ tÿǒsoŋ gẅiin ntʉ́m mbòŋo ńcʉa pie ée Tesalonika. Pɔ́ zẅí’te shwóŋè Pɔl pɔ́ Silas lê ntʉ́m mbòŋo, ńgwɔ́ lyɛ̌’ ntsèm, ńne ńtóŋo ŋwà’ne Ssé, ńtuu nò ńnáa mǒ, éfa’a lézsé ka nò gie pɔ́ shwóŋó wɔ́b, áa pú’u wɔ́.

Heber 11:40

Pú’u mélà’mie e Ssé la kwaŋa tsɔ́ nò ńzáb, á gwɔ́ ye mbòŋo mbwo pege tɛ’. À la ne ńkwoŋo ngie pega pɔ̌ pú ńgwɔ́ métsèm, tá à gÿo pega pɔ̌ ku’ pʉ̀a pé ndà’ ndà’.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.