1 Korento 1:9 - Nouveau Testament en Ngienboum

⁹ Yé Ssé gẅie à la tsɔ́’ɔ gẅi pá’ pi ge ńnéŋe fʉ̀’ ntsèm é la nnɛ́ nà Míŋ we Yěsô Kristo gẅie aa Cʉ̀apʉ̀a wege, aa ntě ńka’a mmó gie à ge gÿo ḿbiŋe ńkúbe wɔ́.

1 Korento 1:9 Referans Kwoze

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

Heber 10:23

E Ssé ka ka’a mmó mbwo pege. Aa ḿbiŋe ńka’a mmó, ńdá’a ńgÿo pɔ́ yɛ̌. Pú’u la, pege ké ńne ńkẅi’i shʉa shʉa ńgɔɔn ngie, pege ne ńzẅí’te mmó gie à la ka’ tà pege é le ne mʉ́’te wɔ́.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

Ŋwà’ne Ngyà jʉ’ 19:11

M biŋ ńgyá ncwò lepwó nyɛ́’ɛ ńtyé, fɔ́gɔ lÿóon kẅɛ ńtyé. Nyìŋ gẅie à ńnéŋe ná wɛ̌ lÿóon, mé tóŋo yé lê tèkubé shwóŋè, mbɔɔ lê nyìŋ gẅie à gÿo pɔ́ mmó gie áa ndʉŋ ndʉŋ. À tsɔ́’te ntsaŋ pɔ́ ndʉŋ ndʉŋ, ńdÿɔ́’ pɔ́ ncù gẅie ée ndʉŋ ndʉŋ.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

2 Korento 1:18

Ngǎŋ! Á gʉa nà nò gie peg ka shwóŋó gẅí, peg ka tè gɔɔn nò ḿbiŋ ńkúbe wɔ́. E Ssé ne ńzsé.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Jâŋ 4:13

Ammó gie á gÿo pege zsé ngie pege la nnɛ́ nà Ssé, e Ssé la nnɛ́ ná pege áa pá’ à la náa Zẅìge yé né pege.

Heber 11:11

Á la fó pɔ́ ná pá’ Sara la záb ntʉ́m wé nà Ssé yé, á tsɛ ńcʉ́’ ńgwɔ́ pɔ́ ndÿò tɛ’ tá’, e Ssé ké ńgÿo yé gẅie à laa zyé shwoŋ, ńzyé múɔ á nue à la ne ńkwa’a ńzsé ngie e Ssé ka’a mmó mbwo nyìŋ ndà’ ńná.

Roma 9:24

Pɛ̌ pʉ̀a lɔgɔ ńgwɔ́ pɔ́ wégè wɔɔn, á wégè gẅie à tsɔ’ɔ́ nùɔ pà Yuda mbɔɔ nùɔ pʉ̀a pie é té pà Yuda wɔ́.

Roma 8:30

Pʉ̀a pie e Ssé la tʉ́ njÿó ńtsɔ́’ɔ wɔ́b, á lêen ńgíŋe ńtóŋ pɔ́ wɔ́b, ńtóŋo wɔ́b ńgíŋe ńcʉ́’ʉ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé, á té ku’ pɔ́ ndà’ pú’u wɔ́, à la gíŋe ńnáa legú’ mbwo pɔ́b.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

2 Tesalonika 2:14

Mɔɔn ée menò mie é la gÿo e Ssé lɔg Nkʉ̀ Mbòŋo gẅie peg la tsẅii mbwo pi, ńtóŋo gẅí, légwɔ́ gie pi ge kúu tsɛ̀ɛ legú’ Cʉ̀apʉ̀a wege Yěsô Kristo.

Ŋwà’ne Jâŋ 17:21

Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Efeso 3:6

Ntsèm ŋwɛ́ e yɔɔn, á fó ná nkʉ̀ mbòŋo, epʉ̀a pie é té pà Yuda wɔ́, gẅiin yɔ́b mmó nà shúm sie e Ssé la ka’a mbwo pʉ̀a pé pà Yuda. Pɔ́ ée mekèm tà’ mbùm nnɛ́, ńgíŋe ńgẅiin yɔ́b nò ná mmó gie e Ssé la fó ná Yěso Kristo ńka’a mbwo pʉ̀a mesoŋ.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Matio 24:35

Lefaŋ pɔ́ tsetsá’ ge gÿo mag tá shwóŋó yɔ́ɔn lá’ le pyé.

Galatia 1:15

Ká’a mbà n da nyé pɔ́ lepfòm, e Ssé tsɔ́’ɔ wɔ̀ɔn, ńgÿo ńcÿó gʉm yɔ́ɔn, ńtóŋo wɔ̀ɔn ngie mèŋ n cʉ́’ ńgwɔ́ pɔ́ nà mé mbwo.

1 Korento 10:16

Pege ne ńnúu ntú’ melù’ gie pege nǎ ndǎg mbwo Ssé mǒ, pege tě ńdɔgɔ pú’u, ńtemte ná metse Kristo wáa? Mbelég gie pege pwɔ́’te ńgaba, e tě ńtemte wégè ná mbab nnɛ́ Kristo wáa?

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

Roma 11:17

Alá’a pà Israel áa pá’ tÿǒ mèvɛ olive nyìŋ, mbà ngàŋ ka kɔ́’ tsɔ́ mbwó mǒ ńgwá’. Gù gẅie ɔ̀ tè nyìŋ Yuda wɔ́, ɔ̀ gwɔ́ pá’ pwó tÿǒ mèvɛ olive gie á gwɔ́ pɔ́ mbím, mbà mé ka lɔgɔ gú ńtó ńdaa nùɔ mbwó mie é ka nyě ńgwɔ́ nà tÿǒ ŋwɛ́. Ɔ̀ɔ nà fʉ̀’ɔɔn ńne ńzẅɛ́’ɛ metse tÿǒ mie é ne fóo ná menŋàŋ ńkúu ná pia pɔ̌ métsèm.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

2 Timote 2:13

Á lɔɔn ńgwɔ́ gie pege neŋé ḿmoŋo yé, mbà à ké tè wégè moŋe Á nue à lɔɔn ńgwɔ́ á le gÿo mmó té gwɔ́ gie áa nà we mà wɔ́