1 Korento 1:6 - Nouveau Testament en Ngienboum

⁶ Á fó ná pá’ mé ka shwóŋó gẅi nò gie mé zsé ná Kristo, pi zẅíŋ lê ntʉ́m gẅi ntsèm,

1 Korento 1:6 Referans Kwoze

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

2 Korento 12:12

Á kaa fʉ̀’ gie n kaa tsetsɛ̀ɛ pi, pi kwa’ ńgyá meliŋé mie é la’te ngie mèŋ n gee kwà’ ngàŋ ntúm Yěsô Kristo. Á gwɔ́ pá’ yɛ̌ ngɔ́’ wɔ́ kɔ̌ɔn ńkúu wɔ̀ɔn mèŋ shÿɔgɔ shÿɔg, á gwɔ́ pá’ pi kɔ̌ɔn ńgyá meliŋé menò mmɔɔn mmɔɔn, ńgíŋe ńgyá ndàa gyá menò.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Ŋwà’ne Ngyà jʉ’ 12:17

Lóŋ máamáa nnù ngém wá pú ńgyáŋ ńtí manzwě wá tɛ’. Nnù ngém gʉa ńdɔg ncù ńcʉ́’ ńdÿɔ́’ pɔ́ pfwɔ́’ɔ ngẅɛ̀ manzwě wa, epʉ̀a pie pɔ́ ne ńkú’te mbʉ̌ Ssé, ḿbiŋ ńne ńkímte nò nénʉ́ gie Yěsô la gɔɔn.

2 Tesalonika 1:10

Á ge lá’ gwɔ́ pú’u, nà lyɛ̌’ gie Cʉ̀apʉ̀a ge lá’ tó, á gwɔ́ nà yɛ̌ lyɛ’ɛ́ lÿò, epʉ̀a pé ne ńnáa mekù’ mé, pʉ̀a pie é záb ntʉ́m ná yé métsèm ne ńgu’te yé. Pi gwɔ́ gí tsetsɛ̀ɛ pɔ́b, mélà’mie pi la zẅíŋe nò yé gie peg la shwóŋó gẅí.

Galatia 3:5

Pú’u la, á poŋ ngie pi gíŋ ńgyá ngie e Ssé ne ńnáa Zẅìge yé né pi, ḿbiŋe ne ńgÿo menò mmɔɔn mmɔɔn tsetsɛ̀ɛ pi. Pi kwǎŋ ngie à gÿo pú’u, mélà’mie pi ne ńgÿo mmó gie *lepʉ̌ ne ńzɛ́te lá? Ngǎŋ à gÿo, pɔ́ mélà’mie pi la jú’ nkʉ̀ mbòŋo ńzáb ntʉ́m gẅi mǒ.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 23:11

Á gÿo ńgwɔ́ letsẅɛ́’, Cʉ̀apʉ̀a tó ńgɔɔn né Pɔl ngie: Kag pɔ́ tʉ̀. Ɔ̀ ka gɔɔn nyìŋ gẅie mèŋ n gee wɛ̌ Yerósalem wɔɔn. Á gíŋe ne ńzɛ́te ngie ɔ̀ gìŋ ńgɔɔn nyìŋ gẅie mèŋ n gee wɛ̌ á tÿǒsoŋo *Roma.

Megàŋ ntúm 22:18

Mèŋ n gyá yé, á gɔɔn né mèŋ ngie: Sẅɛte fó Yerósalem wɔɔn ńgʉa, mélà’mie pʉ̀a pie é tsẅe wó té ge zẅíŋe nò gie ɔ̀ ge shwóŋó wɔ́b é tí wɔ̀ɔn mɔ́.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Megàŋ ntúm 18:5

Silas pɔ́ Timoté gÿo ńgwɔ́ tà fó Makedonia ńtó, Pɔl cʉ́’ ńnéŋe twó pɔ́ ndà’ léshwóŋó nò Ssé, ńne ńnyɛte ńkyagte, éshwóŋó pà Yuda ngie Yěsô zɔɔ *Nzà’nkÿo gẅie pɔ́ tsẅé ḿbyɛ́bɛ.

Malékuse 16:20

*Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 6:9

Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétʉ̀a, mèŋ n gyá mentʉ́m pʉ̀a pie mé la zẅéte wɔ́b, mélà’mie pɔ́ la shwóŋó nò Ssé mbɔɔ ná pá’ pɔ́ la gɔɔn mmó gie pɔ́ zsé nà nò Yěsô, é nuŋte tsìŋe jʉ’ gie mé nuŋe pwɔ́’ wó,

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Megàŋ ntúm 11:21

Cʉ̀apʉ̀a ne ńtóonte wɔ́b tóonte, epʉ̀a tà ńgyɔ́ɔn ne ńzába ntʉ́m ná Cʉ̀apʉ̀a Yěsô, ńne sele ńcʉ́’ʉ pʉ̀a pé.

Megàŋ ntúm 11:17

E Ssé lɔgɔ pú’u, ńnáa yɔ́b mmó gie pege la záb ntʉ́m ná Cʉ̀apʉ̀a Yěsô Kristo, á náa mbwo pege la. Mèŋ, n kaa yɔ́ɔn wɔ̌, tà ńgwɔ́ gie ńgwɔ́ n tɔ’ Ssé légÿo mmó?