1 Korento 1:5 - Nouveau Testament en Ngienboum

⁵ Pá’ pia kristo kéen ńtemte la, e Ssé ka fǒ pú’u, ńnáa fù’ ntsèm né pi. À ka gÿo pi ku’u léshwóŋó nò yé, ńgíŋ ńgÿo pi ku’u lézsé nò nénʉ́.

1 Korento 1:5 Referans Kwoze

2 Korento 9:11

Á ge cʉa pú’u, pi gẅiin shúm lélɔg fa’ mefà’ pòŋo ntʉ́m ntí ntí, à cʉa pú’u, e pʉ̀a tà ńgyɔ́ɔn ná ndǎg mbwo Ssé tɛ’, á nà nò shúm sie pi nǎ peg gaba mbwo pɔ́b.

2 Korento 8:7

Á tyé nà kɔ́ wɔ́ pi zɔ̌ ná fʉ̀’ mbòŋo, pi záb ntʉ́m nà Ssé mboŋó, ńzsé légɔɔn nò á kẅɛ, ńzsé nò Ssé kwà’ mboŋó, ńzeŋe nɛ́ ngwòŋ fʉ̀’ ntsèm, ńgẅiin nkwòŋe á nzèm peg, pú’u la pi gíŋ ńná fʉ̀’ mbòŋo á ná yɔɔn fà’a pòŋo ntʉ́m.

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Filipo 1:9

Ammo gie mèŋ m biŋ ńnéŋe sẅíŋte Ssé ńtsɔ́ɔn ngie à ná né pi aa yé légÿo pi kẅi’i ńgẅiin nkwòŋe ńdɔg ńgʉa lê mvfò, ńne ńcwoŋo ńzsé Ssé mboŋó, ńne ńzsé tyɛ̀’te gie áa nà nò mbòŋo pɔ́ ye tepòŋ.

Roma 15:14

Mefɛ́ pɔ́ɔn, kwà’ mèŋ n ne ńzsé ngie pi gẅiin pòŋo ntʉ́m tɛ’, ńne ńnyɛte ńzsé mmó gie á zɛ́te ngie mé zsé, ḿbiŋ ńku’u létÿɔ́gte mennɛ́ mí pi né pi.

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

Efeso 6:19

Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

1 Korento 12:8

Áa yɛ̌ tá à Zẅìge cÿó geme wetsɔ́ nyìŋ, á gwɔ gẅiin shÿó lélɔgɔ zsě nò ḿbÿɛɛ nò, wetsɔ́ gẅiin shÿó lépÿɛ nò ná ntí gie mé ge zsé nò nénʉ́, tà’a zẅìge zɔ ké ńgÿo.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

1 Korento 13:8

Nkwòŋe gie nyìŋ mesoŋ gẅiin nzèm wetsɔ̌, e ge lá’a gwɔ́ pɔ́ wó. Tá á gʉa nà pá’ e Ssé cÿó geme pʉ̀a, pɔ́ tsẅi nkʉ̀ gẅie é fóo mbwo ye, wɛ̌ le gwɔ́ à mag, leshwoŋó meshwóŋè mie mé laa zí’i à mag yé, le zsé mmó gie áa lelyěen á le gíŋe ńgwɔ́ wó wɔ́,

1 Korento 12:10

Á tóo nà tsɔ́ nyìŋ yé fù’ gie à lɔg ńcÿó gem ngàŋ á gwɔ́ ngàŋ légÿo menò mmɔɔn mmɔɔn, ńtóo nà wetsɔ̌ ńcÿó gem yé á gwɔ́ létsẅi nkʉ̀ gẅie é fóo mbwo Ssé, ńtóo nà wetsɔ̌ ńcÿó geme yé á zsé mmó gie á fóo mbwo Zẅìge Ndʉalʉ̌a mbɔɔ gie á fóo mbwo *messé tepòŋ, ńgʉa ná wetsɔ̌ ńcÿó gem yé á shwóŋe meshwóŋè mie à laa zí’i, ńgʉa ná wetsɔ̌ ńcÿó gem yé á zsé shÿó lélɔg ńkyagte mɛ̌ meshwóŋè.

1 Korento 8:11

Á gwɔ́ pú’u, à cʉa nà mmó gie ɔ̀ ne ńzsé, nyìŋ gẅie à nyě ḿbÿɛ́ pÿɛ́, à kúu pyé. Tá ńgwɔ́ fɛ́ wege gẅie Kristo la kwé nà twó yé.

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Roma 11:12

Á lɔɔn ńgwɔ́ gie á la fó ná pá’ pɔ́ tǔ kwò yɔ́b, njÿó ntsèm zẅɛ́’ ńgẅiin fù’ gie á fóo mbwo Ssé, éfóo ná pá’ pɔ́ gwě ssé, epʉ̀a pie pɔ́ té pà Yuda wɔ́ zẅɛ́’ ńgẅiin fù’, mbà Ssé ge lá’ gwɔ́ tà pʉ’ʉ wɔ́b métsèm, afù’ á le mege ńgá’ wɔ́?

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.